रातभरि संगै रहेको आफ्नै साथीले बिहानै साथीको हत्या गरे

आज बिहान दमक १ मा सामान्य बिबाद भै झगडा पर्दा छुरा प्रहारबाट एक जनाको मृत्यु भएको छ । मृत्यु हुनेमा ईलामको चुलाचुली गाउँपालिका वडा नं. ३ का ३८ बर्षीय गोविन्द लिम्बु रहेको जिल्ला प्रहरी कार्यालय झापाले जनाएको छ । रातभरि संगै रहेको बिहानको ३ बजे साथि साथि बिच बिबाद भएपछि हत्या भएको स्थानीयको कुरा आएको छ।साथि साथि बिच बिबाद हुदा पटक पटक छुरा प्रहार गरिएको र शरिर भरि छुराप्रहारको निशान देखिएको छ।१२-१३ जनाको समुहमा रहेको साथिहरु बिबाद पछि गोबिन्द् लिम्बू उपर छुरा प्रहार भएको छ त्यहि उपस्थित केही साथिले भने तुरुन्त दमककै लाइफ लाइन अस्पतालमा बा २७ प ३७५२ नम्बरको मोटर साइकल प्रयोग गरि अस्पताल पुर्याएको स्थानियले बताएका छन । अनुसन्धानको लागि शंकास्पद ५ जना ब्यक्तीहरु फरार रहेका छन भने १ जना पक्राउ गरिएको मृतकका आफन्तले जानकारी गराएका छन।घटनाबारे छानविन भइरहेको जिल्ला प्रहरी कार्यालय झापाका प्रवक्ता प्रहरी नायब उपरिक्षक खगेन्द्रप्रसाद रिजालले बताए ।