पथरीको सामुदायिक वन भित्र पुरुषको सडेको शव फेला

असोज ९ गते अन्दाजी दिउसोको साँढे १२ बजेको समयमा मोरङको पथरी शनिश्चरे नगरपालिका वडा नं. २ मा रहेको सुन्दर सामुदायिक वन भित्र रहेको उत्तरबाट दक्षिण तर्फ बगेको गुह्रे खोलामा निम्न हुलिया भएको पुरुष मानिस सडी गडी मृतक अबस्थामा फेला परेको छ । प्रहरी कार्यालयबाट प्रहरी निरिक्षकको कमाण्डमा प्रहरी टोली खटी गई लास जाँच मुचुल्का गरिसकेको छ । मृतकको लाशलाई पोष्टमार्टमको लागी बि.पि.कोईराला बिज्ञान प्रतिष्ठान धरान घोपामा पठाएर शव गृहमा रहेको ईलाका प्रहरी कार्यालय पथरीले जनाएको छ । मृतकको हालसम्म सनाखत हुन नसकेकोले आ-आफ्नो एरीया ईलाकामा मृतकको आफन्तहरुलाई खोज तलास गरी फेला परेमा जानकारी गराउन ईलाका प्रहरी कार्यालय पथरीमा सम्पर्क गर्न आग्रह गरेको छ ।

मृतकको हुलिया समेत प्रहरीले उल्लेख गरेको छ । प्रहरीका अनुसार उनको उमेर ३०/३५ बर्ष र उचाई ५ फिट ७ ईन्च भएको, कालो रङको बक्स पाईन्ट, खैरो रङको भेष्ट, भित्री अन्डरवेव सानो सानो कालो सेतो कोठा देखिने लगाएको दाया हातको नाडीमा ॐ मानेपेमे लेखी ट्याटु खोपेको हुलिया बिबरण रहेको प्रहरीले जनाएको छ ।