धरान उपमहानगरपालिकाका मेयर हर्कराज राइ (हर्क साम्पाङ) ले धरान २० मा साबुन फ्याक्ट्रीको शिलान्यास गरेका छन । स्थानिय सरकार धरान उपमहानगरपालिकाको मातहतमा रहनेगरी निर्माण गर्न लागिएको साबुन फ्याक्ट्रीको मंगलबार विधिवत रुपमा शिलान्यास भएको हो । फ्याक्ट्री धरान उपमहानगरपालिका वडा नम्बर २० को प्रवेश क्षेत्रमा निर्माण हुनेछ । आज शिलान्यास भएको फ्याक्ट्री करिव ३७ लाखको लागतमा ४६ फिट चौडाइ ६४ फिट लम्बाई र १६ पिलरे ट्रष्ट सहितको बाहिरी टिनले बेरेको भवन निर्माण हुने धरान उपमहानगरका इन्जिनियर सुरज श्रेष्ठले जानकारी दिए । फ्याक्ट्री ३ महिनाभित्र निर्माण सम्पन्न गर्ने लक्ष रहेको इन्जिनियर श्रेष्ठले जानकारी दिए ।
नेपालमा गणतन्त्रपछिको पहिलो उद्योग स्थापना नै माया धराने साबुन पहिलो भएको मेयर साम्पाङको दावी थियो । । आफुले गरेको सबै काम वास्तविक समाजवाद रहेको साम्पाङले दाबि गरे । गत साल नै हुने काम वनले मुद्दा लगाएको कारण लम्बिएको भन्दै विकास गर्दा लगातार मुद्दा खेप्नुपरेको बताए । यो फ्याक्ट्री व्यक्तिगत नभएर स्थानिय सरकार धरानको रहेको साम्पाङले बताए । फ्याक्ट्री निर्माण पछी साबुनकै लागी धरानबाट वार्षिक रुपमा चार पाँच करोड बाहिरिने पैसा अब धरानमै रहने भन्दै सबै धरानेलाई धरानमै उत्पादित सबुन चलाऊनु पर्ने आग्रह गरे । धरान उपमहानगरपालिकाका प्रमुख प्रशासकिय अधिकृत मातृका भट्टराईले आफु आउनु अगाडिदेखि मिडियाबाट साबुन फ्याक्ट्री बारे थाहा पाएको बताए । उनले साबुन फ्याक्ट्रीको लागि आवस्यक बजेट समेत नगरसभाले विनियोजन गरेको भन्दै कानुनी प्रक्रिया अनुसार उपभोक्ता गठन गरेर निर्माण कार्य अगाडी बढाइने बताए ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।