धरान मुस्लिम एकता समाजको अगुवाईमा कोशी राजामार्ग अन्तर्गत धरान – इटहरी सडक खण्डको डिभाइडरमा १०० वटा हाइब्रिड शिरिषको विरुवा रोपिएको छ । धरानका मेयर हर्क साम्पाङको प्रमुख आतिथ्यमा सोमबार हाइब्रिट शिरिषको विरुवा वृक्षारोपण कार्यक्रममा धरान बिभिन्न राजनीतिक दलका नेताहरुको पनि उपस्थित रहेको थियो । पछील्लो समय धरानलाई फुलै फुलको शहर बनाउने अभियान अन्तर्गत धरान प्रवेश गर्ने कोशी राजमार्गको सौन्र्दयीकरण बढाउन हाइब्रिड शिरिषको विरुवा रोपिएको मुस्लिम एकता समाजका संयोजक फिरोज अलीले बताए ।
विरुवा कलकत्ताबाट आयात गरिएको र हाइब्रिड विरुवा भएको कारण उचाई १० देखि १२ फिट मात्र हुने अलिले बताए । उनका अनुसार विरुवा ४ महिनादेखि फुल्न थाल्ने र बाह्रै महिना फुल्नेछ। आफुले बिरुवा रोप्ने अभियानलाई निरन्तरता दिएको र यो अभियानमा मुस्लिम समाजले सहकार्य गरेकोमा खुशी लागेको बताए । मेयर साम्पाङले सबै मिलेर नै धरान र देश बनाउनुपर्ने धारणा राख्दै मुस्लिम समाज मात्र हैन अन्य समाजहरु पनि यो अभियानमा जोडीएर सुन्दर धरान बनाउ लागिपर्न आग्रह गरे ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।