स्थगित भएको घर नम्बर बितरण वडा न् ५ बाट पुन सुरु

दुई बर्ष अघी देखी घर नम्बर बितरण गर्न सुरु भएको वडा नम्बर ५ को घर नम्बर बितरण पुन सुरु भएको छ । बिहीवार धरान ५ देबिगाउको उन्नती मार्गबाट घर नम्बर बितरण सुरु गरिएको हो । धरान उपमहानगरपालिकाका मेयर हर्क राज राई (हर्क साम्पाङ) को उपस्थितमा धरान वडा नम्बर ५ का वडा अध्यक्ष मन प्रशाद लिम्बु, नगरपालिकाका कर्मचारी लगायतको उपस्थितमा घर नम्बर बितरण सुरु गरिएको हो । उन्नती मार्गको एक घरमा घर नम्बर ८ प्रदान गर्दै मेयर साम्पाङले आफै घर नम्बर प्लेट टासीदिएका थिए । दुई बर्ष अघी बितरण सुरु गरिएको घर नम्बर प्लेट बितरण कार्यक्रम स्थगित भएकोमा पुन श्रावण २४ गतेबाट सुरु गरिएको वडा नम्बर ५ का वडाध्यक्ष मन प्रशाद लिम्बुले जानकारी दिए । घर नम्बर ऐलानी र नम्बरी जग्गामा बनेका घरहरु भएका सबैलाई बितरण गरिएको वडाध्यक्ष लिम्बुले जानकारी दिए । पहिलो दिन उन्नती मार्गका १५ घरधुरीलाई घर नम्बर प्लेट बितरण गरिएको थियो ।

घर नम्बर बितरण गर्न तीन महिना अगाडी देखी नै घर घ्र पुगेर सर्वे गरेको र कर्मचारीहरु घर घर पुगेर सबै घर परिवार सहित घरको डिटेल संकलन गरिएको लिम्बुले बताए । घरको बनोट, घर पक्की या कच्ची सबै प्रक्रार को घरमा पुगेर घर को डिटेल तयार गरिएको लिम्बुले बताए । सर्वे गर्ने समयमा नै हरेक घरमा चकले नम्बर लेखेर नगरपालिका लगेर प्लेट बनाएपछी भने घर नम्बर प्लेट बितरण गरिको अध्यक्ष लिम्बु को भनाइ छ । अब हरेक चौक टोल र मार्गको रुटिन अनुसार वडा नम्बर ५ का सबै घरधनिलाई घर नम्बर प्लेट बितरण गरिने लिम्बुले बताए । घर नम्बर प्राप्त गर्दा के कस्तो दस्तुर तिर्न पर्छ भन्ने सबै जानकारी हरेक टोल बिकास संस्थाका अधय्क्षहरुलाई पत्रचार गरिसकेको लिम्बुले बताए ।

उनका अनुसार घर नम्बर प्राप्त पछी वडा नम्बर ५ को फोहोर मैला व्यबस्थापनमा पनि नगर सँग समनव्य गर्ने तयारी रहेको छ । वडा के कती कर दस्तुर तिर्न पर्छ तयार रहेको बताए । अब घर नम्बर प्राप्त गर्ने ले कच्ची तथा फुसको घर भएकालाई रु तीन सय,एक तले काठ अर्धपक्की ले रु पाच सय,दुइ तले काठको घरले रु एक हजार, एक तले लोड बियरिङ्ग पक्की घर रु पन्ध्र सय,दुइ तले पक्की घर रु दुई हजार,तीन तले पक्की घर रु तीन हजार र घर नम्बर प्लेट दस्तुर दुई सय र सेवाशुल्क रु ५० रुपैया दस्तुर तिर्नु पर्ने छ ।