सल्यानमा आफ्नै छोराको कुटाइबाट आमाको मृत्‍यु

सल्यान जिल्लाको शारदा नगरपालिका वडा नं.१३ माथिल्लो सल्यानचौरका २३ बर्षिया नविन भण्डारीले लठ्ठीले हानेर ४८ बर्षिया आमा शारदा भण्डारीको हत्या गरेका हुन ।मंगलवार विहान ४ बजेको समयमा नविनले,आमा बुवा सुत्ने कोठामा गएर एक्कासी पैंयाको लठ्ठीले टाउकोमा हानेर आमाको हत्या गरेको प्रहरीले जनाएको छ।प्रहरीका अनुसार शारदा भण्डारीको घटनास्थलमै मृत्यु भएको हो ।उक्त घटना भएको स्थानमा स्यानिखाल प्रहरी पोष्ट बाट प्रहरी हवल्दार कुलराज चौधरीको कमान मा ३ जना र जिल्ला प्रहरी कार्यालय सल्यान बाट प्रहरी निरीक्षक सन्तोष खनालको नेतृत्वमा ५ जना प्रहरीको टोली पुगी हत्याको आरोप लागेका नविन भण्डारी लाई नियन्त्रणमा लि घटनाको थप अनुसन्धान भैरहेको जिल्ला प्रहरी कार्यालय सल्यानका प्रहरी निरीक्षक गोपाल श्रेष्ठले बताएका छन ।