धरान -४ का युनेश राई गोली सहित पक्राउ

गत श्रावण ५ गते धरान स्थित सेउती पुल नजिक बिराटनगरका ५ का २८ वर्षीया रोहित चौधरीको गोलीहानी हत्यामा संलग्न भएको आरोपमा धरान ४ का २७ बर्षीय ज्याङलो भनिने युनेश राई 7.65 MM को ८ राउण्ड गोली सहित पक्राउ परेका छन । बिशेष सुचनाको आधारमा राईलाई श्रावण २० गते पक्राउ गरिएको हो । उनलाई कोशी प्रदेश प्रहरी कार्यालय बिराटनगरबाट खटिएको प्रहरी टोलीले उनलाई आफ्नै घरबाट पक्राउ गरेका हुन । राईको कोठामा खोजतालास गर्दा लेडिज ब्याग भित्र लुकाइ राखेको गोली प्रहरीले बारामद गरेको हो । राईलाई हाल ईलाका प्रहरी कार्यालय इटहरीले थप अनुसन्धान गरिरहेकोछ ।

चौधरीको हत्यामा संलग्न रहेका अरु ३ जना प्रहरीले पक्राउ गरिसकेकोछ । यस अघी पक्राउ पर्नेहरुमा मोरङको लेटाङ नगरपालिका १ का ३५ वर्षीया पर्वत भन्ने दिपक तिमिल्सिना र धरान उपमहानगरपालिका १४ का ३४ वर्षीया अनसन तामाङ र धरान ८ कै सुजन तामाङ , प्रकाश लिम्बु र अजय कुमार शर्मा पक्राउ परिकेकाछन । दिपक घटनाको मुख्य अभियुक्त भएको कोशी प्रदेश प्रहरी प्रमुख दिपेशनाथ बास्तोलले जानकारी दिए । उनका अनुसार रोहितले होहल्ला गर्दै प्रतिकार गरेपछि गोली प्रहार गरेको अनुसन्धानबाट खुलेको छ ।