आज श्रावण १५, खिर खाने दिन

हरेक बर्षको असार १५ मा दही चिउरा खाएझै हरेक श्रावण १५ लाई खिर खाने दिनको रुपमा मनाइदै आएकोछ । परापुर्वक कालदेखिनै नेपालमा श्रावण १५ लाई खिर खाने दिनको रुपमा मनाउदै आएपनी राष्ट्रिय दुग्ध विकास बोर्डको २०७७ साल फागुन १५ गते बसेको बैठकले साउन १५ लाई खिर खाने दिन अर्थात् खिर दिवसका रुपमा मनाउने निर्णय गरेजस्तै निरन्तर रुपमा श्रावण १५ लाई खिर खाने दिनको रुपमा मनाउदै आइएको छ । साउने झरी पर्ने बेलामा तातो खिरले स्वास्थ्यलाई राम्रो गर्ने भएकाले खिर खाने गरिएको हो ।दूधमा मरमसलालगायत चीजबीज हालेर बनाइने खिरले स्वास्थ्यमा राम्रो गर्ने भएकाले यसको परम्परा बसेको विश्वास गरिन्छ । साउन महिनामा गाउँघरमा पनि खेतीपातीको काम सकिन्छ । चामल, साबुदाना, सेवई, मकै, गाजर लगायतको खिर बनाउने गरिन्छ । साउन महिनामा हरियो मकै धेरै पाइने भएकाले मकैको खिरसमेत बनाएर खाने चलन छ ।