सवारी दुर्घटनामापरी झापा र मोरङमा दुइजनाको मृत्यु भएको छ । झापाको मेचिनगर नगरपालिका- १३ कालि झोडा स्थितमा पिकअपको ठक्करबाट स्कुटर चालकको मृत्यु भएको छ । मृत्यु हुने मा २४ बर्षिय योगेश श्रेष्ठ रहेका छन । उपचारको क्रममा बि एण्ड सी अस्पताल बिर्तामोडमा मृत्यु भएको छ । आज बिहान सवा ८ बजे पूर्व पश्चिम राजमार्गमा पूर्वबाट पश्चिम तर्फ जादै गरेको मे ५ प २१८० नम्बरको स्कुटरलाई सोहि दिशा तर्फ जाँदै गरेको प्रदेश १-०१-००१ च ७१८४ नम्बरको पिकअपले पछाडिबाट ठक्कर दिदा उक्त दुर्घटना भएको थियो ।
यसैगरी मोरङको बेलबारी नगरपालिका-३ स्थितमा सवारी दुर्घटना हुँदा १ जनाको मृत्यु भएको छ । हिजो साझँ पौने सात बजे पूर्व पश्चिम राजमार्गमा पश्चिम बाट पूर्व तर्फ जादै गरेको को १ ख ६७१० नम्बरको ट्रक र बिपरित दिशाबाट आउदै गरेको ११ सु. ह. ११४३ नम्बरको सिटी सफारी एक आपसमा ठक्कर खाई दुर्घट्ना हुदा सिटी सफारी चालक मोरङ सुन्दरहरैचा नगरपालिका-११ गोबिन्दपुरका ५० बर्षिय धर्मराज थापा गम्भिर घाईते भएका थिए । उनलाई उपचारको लागि कोशी अस्पताल बिराटनगर पुर्याउनासाथ डाक्टरले मृत्यु घोषित गरेका थिए ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।