कोशी प्रदेशमा सवारी दुर्घटनाबाट २ जनाको मृत्यु

कोशी प्रदेश अन्तर्गत २ छुट्टा छुटै स्थानमा भएको सवारी दुर्घटनामा २ जनाको मृत्यु भएको छ । हिजो पाँचथरको फिदिम नगरपालिका १ शनिवारे स्थित मेची राजमार्गमा फिदिम बजारतर्फ आउदै गरेको प्र १-०१-००१ स ८७०५ नम्बरको अटो अनियन्त्रित भई दुर्घटना हुँदा अटोमा सवार फिदिम नगरपालिका ६ बस्ने ५५ बर्षिय हरीमाया तुम्रोक गम्भिर घाईते भएकोमा उपचारको क्रममा जिल्ला अस्पताल पाँचथरमा मृत्यु भएको थियो । यसैगरी बुधबार दिउँसो साढे ३ बजे सुनसरीको दुहबी नगरपालिका ५ पशुपति फ्याक्ट्रि स्थित कोशी राजमार्गमा उतर बाट दक्षिण तर्फ जादै गरेको प्र १-०२-०४७ प ११६४ नम्बरको मोटरसाईकल आफै अनियन्त्रित भई दुर्घटना हुदा मोटरसाईकल चालक गढि गाऊँपालिका २ बस्ने २७ बर्षिय उतम चौधरी गम्भिर घाईते भएकोमा उपचारको क्रममा बिराट नर्सिङ अस्पताल बिराटनगरमा मृत्यु भएको थियो । घटनाहरु सम्बन्धमा थप अनुसन्धान भईरहेको सम्बन्धित जिल्ला प्रहरी कार्यालयहरुले जनाएको छ ।