धरान -१४ स्थित बिजयपुर क्षेत्रमा निर्माण भएको चर्च विवादको छलफल वार्ता निस्कर्ष विहिन भएको छ । आईतवार धरान उपमहानगरपालिकाका प्रमुख हर्क राज राई (हर्क साम्पाङ) को रोहबरमा उहाकै कार्यकक्षमा भएको वार्तापनी निस्कर्ष विहिन टुङ्गिएको छ । धरान १४ विजयपुरस्थित गोपाल मन्दिर नजिकै ईसाई धर्मावलम्बीहरुले निर्माण गरेको चर्चको बिषय विवादित भएपछि आइतबार धरान ख्रीस्टिय समाज र विजयपुर क्षेत्र धार्मिक संरक्षण समन्वय समितिका पदाधीकारीहरु विच भएको वार्ता चर्काचर्की परेर एक अर्काको अडान नछाडदा वार्ता बिना निस्कर्ष टुङ्गिएको हो । धरान ख्रिस्टिय समाजले नजिकै भनिएको गोपाल मन्दिर को दुरी टाढानै रहेको दावी गर्दै, आफुहरुले चर्चलाई नदेखिने गरी ठुलो कम्पाउन्ड लगाएर बाराबेर गर्ने बताएपनी विजयपुर क्षेत्र धार्मिक संरक्षण समन्वय समितिका पदाधीकारीहरुले चर्च स्थानतरण गर्नै पर्ने दवाव दिएपछी वार्ताबाट कुनै नतिजा निक्लेन । ख्रीस्टिय समाजको तर्फबाट आएका वार्ता टोलीहरुले चर्च निर्माणमा प्राविधिक त्रुटीहरु भएको स्विकार्दै बाकी प्रकृया पुरा गर्ने प्रतिवद्दत्ता जनाएपनी धार्मिक संरक्षण समन्वय समितिले भने भविष्यमा धार्मिक सद्भाव भड्काउने गरि गलत आसयले मन्दिर नजिकै चर्च बनाइएको भन्दै हटाउनुपर्ने वा पार्टी प्यालेस भनेर बनाइएकोले सोही उद्देश्यको लागि मात्र प्रयोगमा ल्याउनुपर्ने अडान छोडेनन ।
यता धार्मिक संरक्षण समन्वय समितिले भारतको मणिपुरमा भएको घटनाको उदाहरण दिएर अगामी दिन इसाईहरु माथी कोही कसैले दुर्वव्यवहार गरे त्यस्को जिम्मेवार आफुहरुले नलिने बताउदै अप्रत्यक्ष रुपमा दवाव दिरहे । सदियौ देखी विजयपुर क्षेत्रलाई धार्मिक क्षेत्र रुपमा हेरिदै आएकोमा इसाईहरुले प्रबेशद्वारमै चर्च निर्माण गरेर द्धन्दको विजारोपण गरेको आरोप समितीले लगाए । यता ख्रीस्टिय समाजले भने चर्च निर्माण गर्नुकुनै पनि धर्मलाई असर पुर्याइ धार्मिक सहिष्णुतामा खलल पुर्याउनु नभएको जिकिर गरे । यतिका छलफल गर्दा पनि वार्ता निस्कर्षविहिन भएपछी विजयपुर क्षेत्र धार्मिक संरक्षण समन्वय समितिका संयोजककै उपस्थितीमा मा मात्र वार्ता गर्ने ख्रीस्टिय समाजको माग छ । यही छलफलका बिषयमा मेयर साम्पाङले भने धार्मिक बिषय भएकाले यस बिषयमा नगरले किनइ निर्णय गर्न नसक्ने भन्दै सकेसम्म मिलेर जान आग्रह गर्दै मिल्न नसके अन्य निकायपनी भएको हुनाले त्यही निकायमा गएर समन्वय गर्न पनि आग्रह गरे ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।