कोशीमा नयाँ सरकार गठनको लागि दिएको समय आज सकिदै

नेकपा एमालेका हिक्मत कुमार कार्की नेतृत्वको सरकारले विश्वाशको मत पाउन नसक्दा अल्पमतमा परेसङै नयाँ नयाँ सरकार बनाउनको लागी प्रदेश प्रमुख पर्शुराम खापुङले दलहरुलाई दिएको समय सीमा आज सकिँदै छ । खापुङले गत १७ गते संविधानको धारा १६७ को उपधारा (२) अनुसार दुई वा दुईभन्दा बढी दल मिलेर सरकार गठनको लागि दाबी पेस गर्न आज साँझ ५ बजेसम्मको समय दिएका छन् ।उनले दिएको समयमा मुख्यमन्त्री नियुक्तिका लागि कांग्रेस, माओवादी, नेकपा एस र समाजवादीले दाबी पेस गर्ने तयारी गरेका छन् । केन्द्रीय गठबन्धनमा रहेका दलहरूले एमालेको साथमा रहेको राप्रपालाई पनि सहभागी गराउने अन्तिम कसरत गरिरहेका छन् ।