फुलबारी एकता समाजको रक्तदानमा १०१ पिन्ट रगत संकलन

हरेक वर्षको जुन १४ का दिन विश्वभरका देशले मनाउने विश्व रक्तदाता दिवसको अवसरमा फुलबारी एकता समाज धरान -५ तल्लो देउरालीले पहिलो पटक आयोजना गरेको रक्तदान कार्यक्रममा १०१ पिन्ट रगत संकलन भएकोछ । धरान – ५ तल्लो देउराली चौकमा सम्पन्न रक्तदान कार्यक्रममा उपस्थित करिब २५० जना स्थानिय मध्ये ब्लड प्रेसर जचाएका मध्ये १०१ जना रक्तदान गर्न योग्य भएर रक्तदान गरेको समाजका अध्यक्ष कविचन्द्र याखाले जानकारी दिए । फुलबारी एकता समाजको आयोजना र नेपाल रेडक्रस सोसाइटीको प्राविधिक सहयोग आयोजना भएको अध्यक्ष याखाले जानकारी दिए ।

समाजका अध्यक्ष याखाको सभापतित्व , धरान उपमहानगरपालिकाका उप प्रमुख अईन्द्र बिक्रम बेघाको प्रमुख आतिथ्यतामा सम्पन्न रक्तदान कार्यक्रमका बिशेष अतिथी धरान उपमहानगरपालिका वडा नम्बर ५ का वडाध्यक्ष मन प्रशाद लिम्बु थिए । कार्यक्रमका प्रमुख अतिथी उप प्रमुख अईन्द्र बिक्रम बेघाले फुलबारी एकता समाजको यो सामाजिक कार्यले अन्य वडा र समाजलाई उदाहरणीय बनेको बताए । रगत अभावका कारण कोही कसै मर्न नपरोस भनी सुरुवात गरिएको रक्त्तदान कार्यक्रम पहिलोपटक मात्र निरन्तर चलोस भनी शुभकामना दिए । उनले समाजमा एकताबन्द भएर यस्तो सामाजिक कार्य गर्ने समाजले नगरले र आफुले पनि आवश्यक सहयोग गर्ने प्रतिवद्दत्ता व्यक्त्त गरे ।

यसैगरी कार्यक्रमका बिशेष अतिथी वडा नम्बर ५ का वडाध्यक्ष मन प्रशाद लिम्बुले फुलबारी एकता समाज ५ नम्बर वडाको गहना जस्तै भएको बताए ।सरसफाइ देखी हरेक कार्यमा फुलबारी एकता समाज उदाहरणीय बनेको भन्दै धन्यवाद दिए । लिम्बुले एउटा फुलबारीमा धेरै फुलहरु मिलेर बसे जस्तै फुलबारी एकता समाजले सबै जात जाती भाषा धर्मका वडावासीलाई एकताको शुत्रमा बाधेको बताए । समाजको लागी आफु र वडाको तर्फबाट खेल्नु पर्ने भूमिकामा पनि कहिले पछी नहट्ने लिम्बु को भनाइ थियो ।

कार्यक्रममा समाजकी सचिव शोभा राईले स्वागत मन्तव्य राखेकी थिइन भने , स्थानिय समाजसेवी धनकुमार राई, समाजका पुर्व अध्यक्ष खिलमान खजुम लगायतले मन्तव्य राखेका थिए । कार्यक्रमका सभापति कविचन्द्र याखाले सङ्कलित रगत नेपाल रेडक्रम (रक्तसञ्चार केन्द्र) धरानमा बुझाईने बताए । समाजमा रगत अभाव भइरहने अवस्थालाई मध्यनजर गर्दै पहिलोपटक रक्तदान कार्यक्रमको आयोजना गरिएको याखाको दावी छ। उनले देउरालीका जनतासँग जोडिने कार्यक्रमहरु निरन्तर भइरहेको र आगामी दिनमा पनि निरन्तरता दिइरहने बताए । याखाले कार्यक्रममा सहभागी रक्त्तदाता , आर्थिक तथा जिन्सी सहयोग गर्ने सबै सहयोगी र बिशेष सहयोग गर्ने समान्त TLO, नमुना TLO ,सामुदायिक TLO लाई धन्यवाद दिए ।