शुक्रवार दिउँसो १ बजेर १० मिनेटमा संखुवासभाको भोटखोला–४ हम्मरेडाँडाको रुखमा हेलिकोप्टर ठोक्किएर दुर्घटना भएको छ । दुर्घटनामा स्थानीय भविन गुरुङको ज्यान गएकाे सङ्खुवासभाका प्रहरी नायब उपरीक्षक (डीएसपी) वीरेन्द्र गोदारले जानकारी दिए । दुर्घटानामा परी ४ जना गम्भीर घाइते भएका छन । दुर्घटनामा घाइते भएकामध्ये दुई जनालाई उपचारका लागि काठमाडौँ लगिएको (डीएसपी) वीरेन्द्र गोदारले जानकारी दिए । पाइलट सुरेन्द्र पौडेल र छिरिङ भोटेलाई काठमाडौँ ल्याएपनि अर्का सामान्य घाइते भएका विक्रम शंकरको भने खाँदबारी अस्पतालमा उपचार भइरहेको प्रहरीले जनाएको छ ।
