फरार प्रतिवादी रहेका ईटहरी रिकेश चौधरीलाई पक्राउ

कोशी प्रदेश प्रहरी कार्यालयको RIT समुहबाट खटिएको प्रहरी टोलीले १ जना फरार प्रतिवादीलाई पक्राउ गरेको छ । सम्मानित जिल्ला अदालत सुनसरीको २०७७/१२/०९ गतेको फैसला आदेशले लागूऔषध मुद्धामा ५ बर्ष कैद सजाय फैसला भएता पनी हाल सम्म फरार रहँदै आएका ईटहरी-८ का ३४ बर्षीय रिकेश चौधरीलाई खोजतलास गर्ने क्रममा गाउँघरमा नै लुकिछिपी बसिरहेको अवस्थामा पक्राउ गरी सम्मानित सुनसरी जिल्ला अदालत सुनसरीमा उपस्थित गराएको हो । उपस्थित गराईएका प्रतिवादी चौधरीलाई तोकिएको कैद भुक्तानको लागी आजै झुम्का कारागार पठाएको छ ।