चिटिक्क सजिएको धरान एक्स्पो , मुख्यमन्त्रीले उदघाटन गर्ने

भोलि अर्थात फागुन ११ गतेबाट सुरुहुन लागेको धरान एक्स्पो – २०७९ को तयारी पुरा भएको छ । एक्स्पो सुरु हुन एकदिन अघी अर्थात फागुन १० गते एक्स्पो हुने स्थल धरान १६ स्थित धरान रंगशालामा पत्रकार सम्मेलन गरी आयोजकले तयारी पुरा भएको जानकारी दिएको छ । धरान एक्स्पोमा सुनसरीका सबै स्थानीय तह, मोरङ, झापा, इलाम उदयपुर, धनकुटा तेहथुम, संखुवासभा, भोजपुर लगायत प्रदेश १ का सबै जिल्ला छिमेकी मुलुक भारतका नजिकका जिल्ला तथा शहरहरूबाट अवलोकन, व्यापार व्यवसायका लागि मानिसहरू आउने आयोजकले जनाएकोछ । ।

एक्स्पोको उदघाटन १ नम्बर प्रदेशका मुख्यमन्त्री हिक्मत कुमार कार्कीले दिनको १ बजे गर्ने भएका छन । उद्योग बाणिज्य महासंघका उपाध्यक्ष रामचन्द्र सांधाइ, पूर्व अध्यक्ष चण्डीराज ढकालको उपस्थिती रहने छ । समुदघाटन कार्यक्रममा इटहरी उद्योग बाणिज्य संघ, त्रियुगा उद्योग  बाणिज्य संघ र धनकुटा उद्योग बाणिज्य संघको उपस्थीती रहने छ फागुन २० गते हुने एक्स्पोको समापन कार्यक्रममा नेपाल सरकारका माननिय संस्कृती, पर्यटन तथा नागरिक उड्ययन मन्त्री सुदन किराँतीको उपस्थीती तय भएको अध्यक्ष बिजय श्रेष्ठले जानकारी दिए । एक्स्पोलाई सफल बनाउन २५१ सदस्य रहेको आयोजकसी अहोरात्र खटेर तयारी सम्पन्न गरेको छ । एक्स्पो स्थानिय सरकार धरान उपमहानगरपालिका जिल्ला समन्वय समिती तथा प्रदेश १ सरकारको सहयोगमा हुन लागेको हो । १२३ वटा को एक्स्पोको अहिले सम्म ११५ बुकिङ भइसकेको र युकिङको क्रम जारी रहेको आयोजकले जानकारी गराएकोछ ।

एक्स्पो फागुन ११ गते देखि २० गते सम्म दश दिन धरान रंगशाला परिशरमा सञ्चालन हुनेछ । एक्स्पोको सुरक्षाकालागी सिसीटीभी जडान गरीएको छ । दैनिक २० जना शसस्त्र प्रहरी, १० जना नेपाल प्रहरी तथा २० जना निजी सेक्युरेटी गार्डले सुरक्षा प्रदान गर्ने व्यवास्था मिलाएका अध्यक्ष श्रेष्ठले जानकारी दिए । (एक्सपोमा भारत पाकिस्तान र बंगलादेशका १५ वटा स्टल रहने छन । पर्यटन सँग सम्बन्धीत ४ वटा स्वास्थ्य संग सम्बन्धीत ४ वटा स्टल रहने छन । एक्स्पोमा साहित्य संग सम्बन्धी स्टल पनि रहेको उनको भनाइ छ । श्रेष्ठका अनुसार धरान एक्स्पो भएकाले यसमा स्थानिय उत्पादनको व्यापारलाई प्राथामिकता दिइएको छ । व्यापार संगै हरेक दिन राष्ट्रिय कलाकारहरूको साङ्गीतीक कार्यक्रम समेत रहने छ । यसको लागी प्रबेश शुल्क सामान्यतया रु १०० भएपनी कलाकारहरु आएको बेला भने रु ३०० राखिने भएको छ ।