आदेशलाई ‘मिस्टर नेपाल – २०२४’ मा उपाधी जिताउन चलचित्रकर्मीहरुद्वारा भोटको अपिल

रियलमी ‘मिष्टर नेपाल २०२४’को फाइनलमा कोशी प्रदेशको धरानबाट एक मात्र प्रतिस्पर्धी आदेश प्रधान लाई उपाधी जिताउन चलचित्रकर्मीहरुले भोटको अपिल गरेका छन । देशभर आयोजित अडिसनमा एकहजार बढी युवाले सहभागीबाट ३९ प्रतियोगी फाइनलका लागि छानिएका हुन् । ३९ जना मध्ये धरानका आदेश प्रधान पनि फाइनल प्रतियोगी हुन । कन्टेस्टेन नम्बर २६ भएका आदेशलाई जिताउन यती बेला प्रचार प्रसार समिती गठन भएर भोटको अपिल गरिएको छ । कोशी प्रदेशका चलचित्रकर्मीहरुले अभियाननै चलाएर भोट गरिरहेको बेला अहिलेका चर्चित कलाकार, निर्माता तथा निर्देशकहरुले पनि आफ्नो फेसबुक वालमा आदेशको फोटो पोस्ट गर्दै भोटको अपिल गरेका छन ।

अपिल गर्नेहरुमा अहिलेका व्यस्त तथा सफल निर्देशक मिलन चाम्स, चलचित्र निर्माता तथा चलचित्र बिकास बोर्डका पुर्व अध्यक्ष राजाकुमार राई, चर्चित नायिका मिरुना मगर, चलचित्र निर्देशक समाजका अध्यक्ष जनकदिप पराजुली, कलाकार तथा निर्देशक रमेश बुढाथोकी, निर्देशक दिपाश्री निरौला, कलाकार संघका निवर्तमान अध्यक्ष रबिन्द्र खडका, निर्देशक ऋषि लामिछाने, ओएसआर डिजिटल का प्रबन्धक ओम अग्रवाल, निर्देशक सुदर्शन थापा, निर्देशक माधव घिमिरे निर्माता संघका कोषाध्यक्ष ज्योतिराज राई, नायक सबिन श्रेष्ठ, गायक श्रीकृष्ण लुईटेल लगायत अन्य धेरैले उनलाई जितको शुभकामना व्यक्त गर्दै उनको फोटो शेयर भोटको अपिल गरेका छन । कोशी प्रदेश बाट पनि धेरैले उनलाई शुभकामना व्यक्त गरेका छन । कलाकार संघ कोशी प्रदेशका उपाध्यक्ष दिनेश कोईराला, निर्देशक केशव रायमाझी, ईन्द्र परियार, बिजय सुब्बा, हिमाल दहाल, लाकमान योन्जन, भिम लामा लगायत दर्जनौ चलचित्रकर्मीहरुले उनलाई शुभकामना व्यक्त गरेका छन ।

आदेश चलचित्रकर्मी महासंघ कोशी प्रदेशका अध्यक्ष, नेपाल चलचित्र निर्देशक समाजका केन्द्रिय महासचिव, चलचित्र निर्देशक तथा निर्माता अरुण कुमार प्रधानका जेठा छोरा हुन । स्कुल तह डिपोट सेकेन्डरी बाट एसईई उतीर्ण गरेर धरान उच्चबाट +२ पास गरेर इटहरी इन्टरनेशनल कलेजबाट ब्याचलर इन इन्फर्मेशन टेक्नोलोजी गरेका छन । आदेशलाई मिस्टर नेपाल बनाउन दिलोज्यानले लागी परेका बुवा निर्देशक अरुण कुमार प्रधान आदेशले मिस्टर नेपाल को उपाधी जित्नु अघिनै आदेश चर्चा / फिल्म अनि म्युजिक भिडियो को अफर आएको बताउछन । चलचित्र विकास बोर्डका पुर्व अध्यक्ष राजकुमार राईले ३८ प्रतिस्पर्धा मध्ये ह्याण्डसम र डायनमिक पर्सानालिटी भएको आदेशनै भएको बताउछन । चलचित्र क्षेत्रमा उनलाई स्वागत गर्दै आगामी दिनमा उनलाई जस्तो सहयोग गर्नु परेपनी गर्न तयार रहेको बताउछन । निर्देशक मिलन चाम्स ले भोलिको दिनमा चलचित्र क्षेत्रको एउटा राम्रो संभावना बोकेको नायकको रुपमा आदेश आउने सक्ने बिचार व्यक्त गरे । निर्देशक समाजका अध्यक्ष जनकदिप पराजुली संग धेरै चलचित्र निर्देशकहरुले आदेशको चर्चा भए संगै धेरै निर्देशकको आखामा आदेश परि सकेको र केही समयमा उनलाई चलचित्रमा अभिनय गराउनको लागि निर्देशकहरुको होडनै चल्ने बताउछन ।

महानायक राजेश हमाल लाई अधिकांश म्युजिक भिडियो खेलाएर चर्चामा आएका म्युजिक भिडियो निर्देशक समाजका अध्यक्ष देवेन्द्र पाण्डेले म्युजिक भिडियोको लागि आदेशलाई प्रस्ताव पनि गरि सकेका छन । अन्य धेरै निर्देशकहरुले म्युजिक भिडियो र केहिले चलचित्रमा डेव्यु गराउनको लागि आफु संग सल्लाह पनि गरिसकेको कुरा बुवा अरुण कुमार प्रधान बताउछन । जवाफमा प्रधानले मिस्टर नेपालको प्रतिस्पर्धा सकेपछि केही आवश्यक तालिम गराएर अझ पोख्त बनाएर यो क्षेत्रमा अघि बढाउने बताए । मिस्टर नेपालमा देशै भरिका जम्मा ३८ प्रतिस्पर्धा सहभागी भएका छन । अहिले उनिहरुको विभिन्न चरणको तालिम चली रहेको छ । मुख्य प्रशिक्षकको रुपमा मोडल तथा कलाकार प्रशान्त ताम्रकार रहेका छन । यसको ग्रान्ड फिनाले यहि अगस्त २४ (भाद्र ८) गते सोल्टी होटल मा आयोजना हुन गै रहेको छ ।imela