अनमोल र जसिताको चलचित्र ‘जेरी अन टप’ को गीत ‘कुरौनी’ तामाङ्ग सेलोमा

पछिल्लो समयको चर्चित जोडी दर्शकहरुले रुचाएको सफल जोडी मेगास्टार अनमोल के.सी. र चर्चित नायिका जसिता गुरुङ्गको मुख्य भूमीका रहेको चलचित्र ‘जेरी अन टप’ को कुरौनी बोलको गीतको भिडियो सार्वजनिक भएको छ । काली प्रसाद बास्कोटाको शब्द रचना तथा संगीत रहेको तामाङ सेलो फ्‌लेवरमा तयार पारिएको गीतमा संगीतकार बास्कोटा र सोमिया बराइलीको स्वर छ ।

सार्वजनिक गीतको भिडियोमा सिनेमाका मुख्य कलाकारहरु अनमोल केसी, जसिता गुरुङ, आँचल शर्मा र केदार घिमिरे ९माग्ने बुढा० लाई प्रस्तुत गरिएको छ । दुलिप रेग्मीले खिचेको गीतको भिडियोमा किरण थापाको कोरियोग्राफी रहेको छ ।सगरमाथा आरोहण र यात्राको क्रममा हुने प्रेमकथामा आधारित सिनेमाको पटकथा तथा संवाद लेखन विस्वास तिम्सिना र छायांकन दिलिप रेग्मीको छ ।

सुयोग गुरुङको निर्देशनमा निर्माण भएको ‘जेरी अन टप’मा अनमोल र आँचलसहित जसीता गुरुङ, केदार घिमिरे ९माग्नेबुढा०, भुवन केसी, उषा खड्गीको अभिनय छ । अभिनेत्री सुरक्षा पन्तले यो सिनेमामा विशेष भुमिका निभाएकी छन् ।अनन्या फिल्मस्को ब्यानरमा सरोज न्यौपानेको प्रस्तुतिमा रोविन शेरचन, रामकृष्ण श्रेष्ठ र दीपक भण्डारीको लगानी रहेको सिनेमाको कथा हेमराज बिसीको हो । अनुराधा गिरी र इश्वर श्रेष्ठ कार्यकारी निर्माता तथा एसोसिएट निर्मातामा नविन घिमिरे, विवेक थापा र भविष्य खड्का छन् । सिनेमामा कालिप्रसाद बास्कोटा, जयन जे वाइबा, जोहन चाम्लिङ राई र व्रिजेश श्रेष्ठको संगीत छ ।