अभिनयमा जस्तै नाच्न पनि सिपालु विजय, बरिष्ठ बलारामको गीतमा नाचे छमछम

पछिल्लो समय पुर्णबहादुरको सारंगी सर्वाधिक सफल भएपछि नेचुरल सुपरस्टारको उपमा पाएका विजय बरालको अब रिलिजको तयारीमा रहेको चलचित्र ‘बरिष्ठ बलाराम’ को पहिलो गीत ‘न्याउली वनैमा’ रिलिज भएको छ । जिवन्त अभिनय गर्ने बिजय भर्खरै रिलिज भएको गीतमा छमछमी नाचेको देख्दा उनी नाच्नमा पनि पोख्त रहेको थाहा भएको छ । गीतमा मुख्य दुई कलाकार विजय बराल र समृद्धि अर्याल फिचर्ड गीतलाई लोक फ्लेवरमा तयार पारिएको छ ।

सार्वजनिक गीतमा विजय र समृद्धिको नोकझोकले दर्शकलाई उत्साहित बनाउने देखिन्छ प्रशान्त सिवाकोटी शब्द रचना तथा संगीत निर्देशन रहेको गीतमा शान्तिश्री परियार र संगीतकार सिवाकोटीको स्वर छ । सार्वजनिक गीतको भिडियोलाई प्रदीप लामाले कोरियोग्राफी गरेका हुन् । जसले गीतमा सिनेमाका कलाकारद्धय विजय र समृद्धिलाई मज्जाले नचाएका छन् । उनीहरुको केमेष्ट्री पनि जमेको गीतको भिडियोमा प्रस्तुत भएको छ ।

आभाष’, ‘क्रृ’ र ‘बाबरी’ निर्देशन गरीसकेका, चर्चित सम्पादक सुरेन्द्र पौडेलको निर्देशन रहेको चलचित्र बरिष्ठ बलाराम कथा र सम्पादन निर्देशक पौडेलकै रहेको छ भने पटकथा महेश दवाडीको रहेको छ । वृषभ सिद्धी इन्टरटेनमेन्ट र आन्भी फिल्म्सको सहकार्यमा तयार भएको चलचित्रलाई आशिष एच तामाङ र श्रीराज कार्कीले संयुक्त रुपमा निर्माण गरेका छन ।

काठमाण्डौ भ्याली भित्र डीसीएन र उपत्यका बाहिर कुवेर सिने डिस्ट्रीब्युसनले वितरण गर्ने जिम्मा पाएको वरिष्ठ बलराम’ मा मनकृष्ण महर्जनको छायांकन, प्रशान्त शिवाकोटीको संगीत, सम्राट शाक्यको एक्सन निर्देशन र प्रदीप लामाको नृत्य निर्देशन छ भने तारानाथ न्यौपाने मुख्य सहायक निर्देशक रहेका छन ।