समाजको विद्धमान घटनाको कथा बोल्ने चलचित्र “सापित” को पहिलो बिशेष सो सम्पन्न

मोफसलाका चलचित्रकर्मीहरुले समाजको विद्धमान घटनाहरुलाई मुख्य बिषयबस्तु बनाएर निर्माण गरेको चलचित्र “सापित” को पहिलो बिशेष सो शनिवार ईटहरीमा सम्पन्न भएको छ । चलचित्रले अहिले समाजमा घटिरहेको राजनितिक, भ्रष्टचार, लागुऔषध , बलात्कार पछिको हत्या जस्ता घटनालाई मुख्य विषय बनाएर निर्माण गरिएको “सापित” हेर्ने दर्शकहरुले रुचाएका छन । यहि चलचित्र “सापित” मार्फत लेखन तथा निर्देशनमा डेव्यु गरेका युवा रुपक राईले चलचित्र निकै राम्रो बनाएको हेर्ने दर्शकहरु र चलचित्रकर्मीहरुले बताएका छन ।

पछिल्लो समय कोशी प्रदेशमा धेरै जातीय ,भाषिक तथा सांस्कृतिक चलचित्रहरु धेर्र निर्माण भईरहेको बेलामा “सापित” एक छुटटै कथावस्तुमा निर्माण भएको छ । हाम्रै समाजको कथालाई आफुले हरर थ्रीलर जनरामा निर्माण गरेको लेखक तथा निर्देशक रूपक राई बताउँछन ।चलचित्रमा दिनेश कोईराला, सुकचन्द्र थापा, सन्जना त्री खत्री र जियोन तामाङ, उदय सुब्बा कुरुङ्गवाङ्ग, विजय सन्यक सुब्बा, हेम दिलुङ्छा राई, मदन राई, दिनेश कोइराला, मिलन तामाङ, सुरेन्द्र भुजेल, सुरज भुजेल, इक्सा गुरुङ, जुनु बुढाथोकी, कैलाश बि.क लगायत छन ।

सागर लिम्बू (लोकेन) ले निर्माण गरेको चलचित्रका कार्यकारी निर्माता उदय सुव्वा कुरुम्वाङ हुन । सहायक निर्देशन मिलन तामाङले गरेका छन भने प्रकाश सुब्बा र देवराज सिग्देलले छायांकन गरेका छन । सम्पादन र कलर हेमन तामाङले गरेका छन । चलचित्रको सम्पुर्ण पोष्ट प्रोडक्सनको काम कोशी भिजन फिल्म ईटहरीले गरेको छ । चलचित्रका लेखक तथा निर्देशक राईका अनुसार सापित नेपालका बिभिन्न ठाउँमा विशेष शो सकेर देश बाहिर पनि प्रिमियरको तयारी भइरहेको छ ।