“कोशेढुङ्गा” को चौथौ पोष्टरमा निती र आर्यनको प्रेमभाव, प्रेमिल जोडीको प्रतिक्षा बढदै

यहि भाद्र १२ गतेबाट प्रदर्शननमा आउन लागेको चलचित्र ‘कोशेढुङ्गा’ को अर्को एक फोस्टर सार्वजनिक भएको छ । चलचित्रकी एक मुख्य पात्र निती शाह र नायक आर्यन सिग्देलको पोष्टर सार्वजनिक भएको छ । यस अघि गीत सार्वजनिक कार्यक्रममा नितीले मेरो जोडी भनेर सार्वजनिक गरेपछि यो जोडी पहिलोपटक स्क्रीन शेयर गर्दैछन ।

एक समयका चर्चित चकलेटी नायक उपनाम पाएका आर्यन र मिस नेपाल निती शाहको जोडीको अभिनय दर्शकहरुको लागि प्रतिक्षित बनेको छ । यसअघि चलचित्रको निकै रोमान्टिक कविता र तीन फरक पोष्टर सार्वजनिक भईसकेको छ । अर्की नायिका सुरक्षा पन्तले वाचन गरेको कविताले सुन्ने जो कोहीलाई मन्त्रमुग्ध बनाउछ सोच्न बाध्य बनाउँछ । सार्वजनिक भएको छोटो कविताले रोमान्टिक प्रेम, एकअर्काको समर्पण, प्रेमको विछोड, पीडा, जिन्दगीको सपना र प्रतिज्ञाको भावलाई गज्जवले प्रस्तुत गरेको छ ।

सुपरहिट चलचित्र पुर्णबहादुरको सारंगीबाट आफुलाई अव्वल र सफल निर्देशको परिचय दिएका सरोज पौडेलको निर्देशनमा निर्माण भएको चलचित्र ‘कोशेढुङ्गा’ नेपाली चलचित्र बजारमा एक अर्को ‘कोशेढुङ्गा’ सावित हुने तयारीमा छ । चलचित्रको दुईगीतहरु भंगेरा भगेरी’ र ‘नत्र भने जिन्दगी व्यर्थ छ’ गीतहरू सार्वजनिक भएर दर्शकहरुको मनमा बसिसकेका छन हिट भई सकेकाछन । नरदेवी फिल्मस र सारंगी फिल्मसको सहकार्यमा बनेको ‘कोशेढुङ्गा’मा सुरक्षा पन्त, आर्यन सिक्देल, ऋचा शर्मा, मन्जिल कुमार, नीति शाह, प्रवीण खतिवडा, सरोज खनाल, विशाल पहाडी, हिउवाला गौतम, दिनेश काफ्ले र लोकमणि सापकोटालगायतको अभिनय छ ।

बाबु श्रेष्ठको छायांकन रहेको यो चलचित्रमा नहकुल खड्काको सम्पादन, आशिष अविरल र रिदम कँडेलको संगीत छ । यस चलचित्रको कास्टिङ डिरेक्टर सुवलमणि सापकोटा हुन् ।नेपालसहित ४२ भन्दा धेरै देशमा एकसाथ रिलिज हुने भएको छ ।‘कोशेढुंगा’लाई प्याट्रिक सुवेदी र रमेश ढकालको सेभेन सिज इन्टरनेसनलले अन्तर्राष्ट्रिय बजारमा वितरण गर्दैछ । यो चलचित्र डायस्पोरामा नेपाली सिनेमाकै इतिहासमा पहिलो पटक एकसाथ ४२ देशमा प्रदर्शनमा आउने तयारी रहेको छ ।