चलचित्र जनै हराएको मान्छे को टिजरमा देखियो मिरुना र विजयको कारुणिक प्रेम कथा

यहि भदौ ६ गतेबाट प्रदर्शनमा आउन लागेको प्रतिक्षित चलचित्र जनै हराएको मान्छे को टिजर सार्वजनिक भएको छ । निर्माण घोषणादेखिनै निकै चर्चामा रहेको चलचित्रको स्टारकास्ट निकै राम्रो छ । अन्य चलचित्रमा सगै काम गर्दै आएपनि पहिलोपटक जोडीको रुपमा संगै कामगरेका पछिल्लो समयका चर्चित कलाकार विजय बराल र मिरुना मगरले पहिलोपटक जोडीको रुपमा कामगरेका छन । पहिलोपटक जोडीको रुपमा देखिएका मिरुना र जिजयको प्रेमकथा टिजरमा निकै कारुणीक देखिएको छ । परिवारको लागि कमाउन प्रदेशिएका विजयको कोरीया मोहमा रुमलिरहेका विजयको मिरुना संगको भेटले कस्तो रुप लिन्छ भन्ने विषयले चलचित्र निकै प्रतिक्ष्ति बनेको छ ।

टिजर हेर्दा सानै उमेरमा गाउँमा विहे गरेका विजयको श्रीमतीको रुपमा केकी अधिकारीको इण्ट्रीले चलचित्रलाई गज्जव बनाउनेमा विश्वस्त रहन सकिन्छ । टिजरमा सपना, संघर्ष, प्रेम र धोका छ ।विवाहको दृश्यसँगै सुरु हुने टिजरमा चलचित्रका मुख्य पात्रको कोरिया सपना केन्द्रमा छ ।टिजरमा चलचित्रका मुख्य पात्र विजयसँगै केकी अधिकारी, मिरुना मगर, सुशांक मैनाली, भोलाराज सापकोटालगायतलाई देख्न सकिन्छ ।जनै हराएको मान्छे स् सम्बन्धका धागाहरू’लाई निर्देशक हिमाल न्यौपानेले निर्देशन गरेका छन् ।‘जनै हराएको मान्छे स् सम्बन्धका धागाहरू’ भदौ ६ गते रिलिज हुनेछ ।

चलचित्रमा विजय, केकी, मिरुना, भोलाराज र सुशांकसँग रियर राई, भावना खपांगी मगर, रुपेश लामा, सुमन थापालगायतको अभिनय रहेको छ ।पेपरक्लिपको ब्यानरमा निर्माण भएको चलचित्रका निर्माता कमल न्यौपाने र विमल न्यौपाने हुन् । कार्यकारी निर्मातामा नारायण तिमिसिना, चुडामणि सिवाकोटी, आरके मानन्धर, सिआर बस्नेत, फिलिप डिसी र जेम्स महाराजन रहेका छन् ।

‘जनै हराएको मान्छे स् सम्बन्धका धागाहरू’को कथा, पटकथा र संवाद भानुभक्त ढकालले लेखेका हुन् । चलचित्रमा थानेश्वर गौतम, अर्जुन पोखरेल, एसडी योगी र प्रशान्त सिवाकोटीको संगीत रहेको छ ।नवीन गुरुङको डीओपी र कृष्ण परियारको सिनेमेटोग्राफी रहेको चलचित्रमा दिनेश बहादुर राउत मुख्य सहायक निर्देशक, तर्कराज न्यौपाने, रविन्द्र नेपाल, मोनिका थापा र आकाश के।सी सहायक निर्देशक छन् । चलचित्रका निर्माण नियन्त्रक लक्ष्मणराज पौडेल हुन् ।