विल्सन बिक्रम राईको डेव्यु निर्देशनमा ‘मैझारो’ बन्दै , मुख्य कलाकारमा मिरुना र धिरज

पछिल्लो समयका चर्चित कलाकार विल्सन बिक्रम राई (तक्मे बुढा) को डेव्यु निर्देशनमा नेपाली कथानक चलचित्र ‘मैझारो’ निर्माण हुने भएको छ । तक्मेकै लेखन तथा निर्देशनमा बन्न लागेको ‘मैझारो’ ले नेपालको पूर्वी पहाडी जिल्लामा रहेको जनजाति समुदायको रहन सहन,कला संस्कृति,रितिरीवाज र दैनिक जिवनको कथा प्रस्तुत गर्ने छ । चलचित्रमा अहिलेका चर्चित नायिका मिरुना मगर र
धिरज मगरको जोडी फाइनल भएका छन ।

मिरुना र धिरजको यो संगै अभिनय गर्न लागेको दोस्रो चलचित्र हो । यस अघि चलचित्र कुस्तीमा दुवैजना पहिलोपटक एकसाथ देखिन लागेका छन । कलाकारको नाम सार्वजनिक नभएपनि चलचित्रको छायांकन यहि श्रावणको पहिलो हप्ताबाट इलाम, पाचथर लगायत पहाडी जिल्लाहरुबाट सुरु गरिने भएको छ । चलचित्रको लागि अनमोल गुरुङ र तोरेम्पा हाङ राईको संगीतमा राजेश पायल राईको स्वर रहने पक्का भएको छ । ‘तक्मे प्रोडक्सन’ को ब्यानरमा निर्माण हुने चलचित्रलाई सौरभ लामाले खिच्नेछन ।