पल शाहले निर्माण गर्ने ‘यानी माया’मा मिस मगर हङकङ २०१४ अञ्जना पुन मुख्य भूमीकामा

अभिनेता पल शाहले आफ्नो ब्यानर ुपल शाह फिल्म्सु मार्फत निर्माण गर्न लागेको पहिलो चलचित्र ‘यानी माया’मा चर्चित मोडल अञ्जना पुनले मुख्य अभिनेत्रीको रूपमा अभिनय गर्ने भएकी छिन् । विगत एक दशकदेखि मोडलिङ क्षेत्रमा सक्रिय अञ्जनाले यसै चलचित्रबाट डेब्यु गर्नेछिन् । मिस मगर हङकङ २०१४, र मिस हङकङ नेपाल २०२३ जस्ता उपाधिहरू जितेकी अञ्जना एक स्थापित मोडेल हुन् ।सन् २०२४ को मिस नेपालु प्रतियोगितामा उनले मिस रियल पपुलर च्वाइसु र मिस डिलाइटफुल हेप्पी इन्टेलिजेन्सु अवार्ड प्राप्त गरेकी थिइन् ।

मोडलिङसँगै उनी अभिनयमा पनि सक्रिय छिन् । उनले बधाई तिमीलाईु, ना छोएर यौवन काटियोु, मायालाई पाको पातु, आगो लाग्योु, १००५ सही होु, र आँखैले बोलनु जस्ता गीतहरूमा अभिनय गरिसकेकी छिन् । यीमध्ये केही गीतमा उनले पल शाहसँग पनि काम गरेकी थिइन् । अञ्जना पुन क्यान्सर निवारण प्रतिष्ठानकी ब्रान्ड एम्बेसडर पनि हुन् ।

विकास सुवेदीको लेखन तथा निर्देशन रहने यो चलचित्र दार्शनिक मेटामोडर्न सिनेमा र पारिवारिक ड्रामा को संयोजन हुनेछ । यसमा अन्तरपुस्ता द्वन्द्व, आधुनिकता र परम्पराको दोलन, सहरी जीवन र प्रकृतिको सङ्घर्ष जस्ता विषयहरूलाई समेटिनेछ । यो चलचित्र श्रावण महिनामा छायाङ्कनमा जानेछ, जसका लागि बागलुङको ढोरपाटन र हङकङका रमणीय दृश्यहरू छनोट गरिएका छन् ।

चलचित्रका निर्माताहरूमा पल शाहसँगै चन्द्रज्योति आले पनि रहेकी छिन् । यस चलचित्रमा प्राय सबैले डेव्यु गर्दैछन । पल शाह निर्माताको रुपमा , चर्चित लेखक विकास सुवेदी निर्देृशकको रुपमा र अन्जना नायिकाको रुपमा । पल र अञ्जना पछिल्लो समय विभिन्न म्युजिक भिडियोहरुमा सँगै देखिदै आएका छन ।