चलचित्र ‘ऊनको स्वीटर ‘ प्रदर्शनको ५१ दिन, धरानमा केक काटेर खुशी साटियो

वर्ष २०८२ को सफल चलचित्रहरुको लिष्टमा नाम लेखाउन सफल चलचित्र चलचित्र  ऊनको स्वीटरुले देशभरका करिब ४० वटा सिनेमा हलहरूमा शनिवार सफलतापूर्वक प्रदर्शनको ५१ औँ दिन पूरा गरेको छ । देशका विभिन्न ४० सिनेमाहलहरु मध्ये धरान स्थित फ्रेण्डस सिनेमाजमा पनि प्रदर्शनको ५१ औ दिनको अवसरमा केक काटेर ५१ औ दिन मनाइएको छ । कार्यम्रममा चलचित्रका कलाकार प्रेम सुब्बा, चर्चित गीत काफलेका लेखक युवराज काफलेको उपस्थिती रहेको थियो । चलचित्रले दर्शकहरूको मन जित्दै बक्स अफिसमा राम्रो प्रदर्शन गरिरहेको हो ।

विशेष गरी, नेपाली समाजको यथार्थपरक कथावस्तु, सशक्त अभिनय र सुमधुर सङ्गीतका कारण ुऊनको स्वीटरु दर्शकहरूमाझ लोकप्रिय बनेको छ । यसका निर्देशक नवीन चौहानले सफलताप्रति खुसी व्यक्त गर्दै दर्शक र शुभचिन्तकहरूप्रति आभार प्रकट गरे । उनले यस चलचित्रले पाएको मायाले आगामी दिनमा अझ राम्रो काम गर्न प्रेरित गरेको बताए । चौहानले नै यस चलचित्रको स्क्रिप्ट लेखेका हुन् भने आर्टमान्डूले निर्माण गरेको हो ।

विपिन कार्की, मिरुना मगर, एलेक्स पारस, परीक्षा लिम्बु, विल्सन विक्रम राई, भावना खपांगी मगर, सुनिल पोखरेल लगायतको अभिनय रहेको छ । यसका गीत निर्देशक सुजन चापागाईँ हुन् भने सङ्गीत निर्देशक कोविद बज्र हुन् ।ुऊनको स्वीटरुले ग्रामीण तथा सहरी दुवै क्षेत्रका दर्शकहरूलाई आकर्षित गर्न सफल भएको छ । हल सञ्चालकहरूका अनुसार, यो चलचित्र हेर्न परिवारसहित आउने दर्शकहरूको सङ्ख्या उल्लेख्य रहेको छ । चलचित्रले मिडिया समीक्षक तथा स्वतन्त्र समीक्षकहरूबाट पनि सकारात्मक प्रतिक्रिया पाइरहेको छ, जसले गर्दा यसको चर्चा अझ बढेको छ ।