नेपाली भाषा जोगाउन गरेको संघर्षको मिठो कथा ‘यो मन त मेरो नेपाली हो’ ट्रेलर

मानिसलाई सबैभन्दा प्यारो लाग्ने सम्मान लाग्ने भनेको आफ्नो मातृभाषा हो ।संसारमा जतीपनी आन्दोलन संघर्ष भएका छन ति सबै आफ्नो मातृभाषा आफ्नो कला संस्कृती जोगाउन नै हो । मानिस संसारको जुनसुकै धनी समृद्ध देशमा पुगेपनी उस्ले बिर्सन नसक्ने भनेको मातृभाषा हो । यही र यस्तै मिठो कथा बुनेको तीन देशको नेपालीभाषीहरुको कथालाई सरल तरिकाले बुनेको चलचित्र ‘यो मन त मेरो नेपाली हो’ को ट्रेलरमा देखियो । चलचित्रको ट्रेलर आज रिलिज भएको छ ।

नेपालीभाषी भुटानीहरुले आफ्नो अधिकार खोज्दा भुटानी सरकारले गरेको ज्यादाती र भारतमा रहेका नेपालीभाषी भारतीयको पिडा तेस्रो समृद्ध मुलुक अमेरिका पुग्दा पनि आफ्नो जन्मभुमी र मातृभाषा नेपाली भाषालाई बिर्सन नसकेका नेपालीहरुको कथालाई निर्देशकले गज्जबले प्रस्तुत गरेका छन ।

शुक्रबार काठमाण्डौमा एक कार्यक्रमको आयोजना गरी चलचित्र ‘यो मन त मेरो नेपाली हो’ ट्रेलर सार्वजनिक गरिएको छ ।पत्रकार सम्मेलनमा बोल्दै निर्देशक मित्र प्रधानले नयाँपुस्तालाई नेपाली भाषा, संस्कार र संस्कृतिबारे ज्ञान दिने र यसको संरक्षणको लागि गर्ने संघर्षको कथावस्तुमा चलचित्र निर्माण गरेको बताए ।चलचित्रका निर्माता तथा कलाकार रोशन श्रेष्ठले यो चलचित्र हरेक नेपालीले हेर्नु पर्ने बनेको बताउनु भयो ।

यस्तै विजय बरालले फरक चलचित्र भएको र यसले नेपाली भाषा, साहित्य र कलालाई जोड्ने काम गरेको बताउनु भयो ।विल्सन विक्रम राईले मैले फिल्मको कथामा मिल्ने गीत समेत लेखेको र यो कथा नजिक बाट देखेकोले चलचित्र उत्कृस्ट बनेको बताउनु भयो। चलचित्रकी नायिका आयुषा समाल आफुले बिदेशमा बसेर पनि नेपाली भाषा सिक्न र जोगाउन लागेको बताउनु भयो ।

असार २७ गतेबाट प्रदर्शनमा आउन लागेको चलचित्र ‘यो मन त मेरो नेपाली हो’ मा रोशन श्रेष्ठ, विजय बराल ,विल्सन विक्रम राई, बुद्धि तामाङ ‘हैट’, आयुषा समाल, नारायण खाती,भुपेन्द्र लिङ्देन “मन्त्री”,सुबास भन्डारी,बिजय सुब्बा,बिजिता परियार , देवराज राजबन्शी,भानुभक्त सिटौला लगायतको अभिनय रहेको छ।

दिपक शर्मा, विकास चौधरी र थोरम्पो ह्यङ राईको चलचित्रमा संगीत रहेको छ भने दिपक शर्मा , विल्सन विक्रम राई,शंकर अधिकारी घायलको शब्द तथा खैजडी गीतमा अनिश अधिकारीको शब्द संकलन रहेको छ ।अमेरीकामा रहेका साहित्यकार मित्र प्रधान (नर) को निर्देशन रहेको यस चलचित्रमा शिवम् अधिकारीको लेखन रहेको छ ।सौरभ लामाको छायांकन ,देव महर्जन द्वन्द्व ,समिर मियाको भिएफएक्स ,कविराज गहतराज र प्रमोद भण्डारीको कोरियोग्राफी , सम्पादक बनिश शाह तथा सिजिआई सत्यम राना रहेको छ ।