चलचित्र ‘ममी’ को अनौठो प्रचार प्रसार शैली, धरानका सडक र मुख्य चौकमा तर्साउदै युवतीहरु

यही माघ २५ गतेबाट प्रदर्शनमा आउन लागेको चलचित्र ‘ममी’ यतिबेला निकै चर्चामा छ र दर्शकहरुको प्रतिक्षा पनि बढ्दै गएको छ । चलचित्रको पोस्टर रिलिज हुँदै टिजर त ट्रेलर रिलिज भएपछी दर्शकहरुलाई झनै कौतुहलता जगाउदै आएको चलचित्रको प्रचार शैली झनै गज्जबको देखिएको छ । चलचित्रको प्रचार प्रसारको लागी निर्माण टिमले कही कतै कन्सर्ट, पत्रकार सम्मेलन , भेटघाट भन्दा नि अनौठो शैली अपनाएको छ ।

निर्माण टिमले यती बेला शहरका मुख्यु मुख्य चौक सडक र भिडभाडा हुने ठाउमा केही युवतीहरुलाई आकाशे निलो कलरको लामो गौन, कपाल खुल्ला छोडेर अनुहार ढाकेको र पिठ्युमा माघ २५ ममी लेखेर युवतीहरुलाई उभ्याइरहेको छ । यो दृश्य शनिवार धरानमा पनि देखियो । एक डरलाग्दो अवतारमा देखिएको युवतीहरुको तस्विर चलचित्रको वितरक कुवेर सिने डिष्ट्रिव्युसनले पनि आफ्नो फेसबुक पेजमा पोस्ट गरेको छ ।

चर्चित अभिनेत्री प्रियंका कार्कीको मुख्य भूमिका रहेको चलचित्र ‘ममी’ आगामी माघ २५ गतेबाट प्रदर्शन आउने तयारीमा छ । यो चलचित्रको प्रचार प्रसार यतिबेला तिव्र गतीमा भैरहेको छ । ‘ममी’ अहिलेको पुस्ताले खोजिरहेको जस्तै सिनेमा भएको निर्माणपक्षले दाबी गरेको छ । दर्शकलाई तर्साउँदै साइकोलोजिकल ड्रामाभित्र हररका इलिमेन्टसले चलचित्रलाई कमर्सियल बनाएको ‘ममी’का कलाकार र निर्देशकको दावी छ ।

अहिले प्रचार प्रसारको लागी देशका बिभिन्न शहरका मुख्य चौक, सडक गल्ली र सार्वजनिक स्थलमा आम मानिसहरुलाई डर देखाउनको लागी ममी बनेर डरलाग्दो गेट अपमा देखिएपनी तर्साउने चलचित्र तर्साउने जस्तो भए पनि भूतको सिनेमा नरहेको निर्देशक पूर्णिमा जोशीले प्रष्ट पारीन । डर सिर्जना गर्ने सिनेमा हो तर भूतको सिनेमा होइन जोशीले थपिन । हरर फ्यामिली ड्रामा सिनेमा ‘ममी’को मुख्य भूमिकामा प्रिंयका कार्की,दीया मास्के, र सुलक्षण भारती छन् । सिनेमामा प्रिंयका ,सुलक्षण र दीया मास्केसँगै, समीप निरौला, घनश्याम जोशी, आयुषी ढकाल, जेभिस श्रेष्ठ, गुराँस ढकाल, गीत विष्टलगायतका कलाकारहरूको अभिनय रहेको छ ।