‘जनै हराएको बाहुन’ को लिड रोलमा विजय बराल,मनिष राउतको भूमिका के ?

सर्वाधिक सफल चलचित्र कबड्डीको हरेक सिक्वेलमा बिके को भूमिकामा देखिएका चर्चित कलाकार,पछील्लो समय नेपाली चलचित्रमा ईतिहास कोर्न सफल चलचित्र ‘पूर्ण बहादुरको सारङ्गी’ का मुख्य अभिनेता बिजय बराल ‘जनै हराएको बाहुन’मा मुख्य भूमिकामा आवद्द भएकाछन । गाउँबाट सहर आएका एक सरल व्यक्तिले भोग्नुपरेका अनपेक्षित परिस्थिति र त्यसले उनको जीवनमा ल्याएको परिवर्तनलाई केन्द्रमा राखेर आम दर्शकहरुलाई एक अनौठो र रोमाञ्चक यात्रामा लैजाने योजना सहित निर्माणको योजना रहेको चलचित्र ‘जनै हराएको बाहुन’ मा सफल चलचित्र ‘प्रेम गीत ३ ‘ का कलाकार मनिष राउत पनि जोडीएका छन ।

तर मनिष भने कलाकारको रुपमा नभएर एसोसियट निर्देशकको भूमिकामा प्रस्तुत हुने भएका छन । चलचित्रमा अनुवन्ध भएपछी कलाकार बरालले ‘जनै हराएको बाहुन’ चलचित्रको लागि लेखिएको स्क्रिप्ट मन परेर चलचित्रमा जोडिएको प्रतिक्रिया दिए । नयाँ कथा र आकर्षक नाम बोकेर पेपरक्लिप प्रा।लि।ले निर्माणको घोषणा गरेको चलचित्र ‘जनै हराएको बाहुन’ लाई केही वृत्तचित्र र लघु चलचित्र निर्देशन गरिसकेका निर्देशक हिमाल न्यौपानेले निर्देशन गर्ने भएका छन् ।

यो चलचित्रले गाउँबाट सहर आएका एक सरल व्यक्तिले भोग्नुपरेका अनपेक्षित परिस्थिति र त्यसले उनको जीवनमा ल्याएको परिवर्तनलाई केन्द्रमा राख्नेछ । निर्माण कम्पनीका विमल न्यौपानेका अनुसार यो चलचित्रले दर्शकलाई एक अनौठो र रोमाञ्चक यात्रामा लैजानेछ । २०८२ सालमा दर्शकमाझ आउने अपेक्षा गरिएको चलचित्रका निर्मातामा सिआर बस्नेत, कमल न्यौपाने, आर.के. मानन्धर, विमल न्यौपाने, फिलिप डिसी र निशान्त श्रेष्ठ रहेका छन् ।

यस चलचित्रमा नवीन गुरुङ छायाकारका रूपमा रहेका छन् भने क्रियटिभ निर्देशक सम्राट महर्जन ‘ज्याक ‘ हुन् भने एसोसियट निर्देशक ‘प्रेम गीत – ३’का कलाकार मनिस राउत हुन् । भिएफक्स सुपरभाइजर मयङ्क निरौला रहेका छन् ।चलचित्रका लागि अन्य कलाकार र प्राविधिक टोलीको बारेमा केही दिन भित्रै सार्वजनिक गरिने बताइएको छ। यो वर्षको अन्त्यसम्ममा छायाङ्कन सुरु गर्ने लक्ष्य राखिएको निर्माण टिमले जनाएको छ ।