‘होस्टेल ३’को गीत सार्वजनिक, ‘होस्टेल’ पहिलो र दोस्रो सिक्वेल भन्दा अब्बल बन्ने संकेत

अहिलेका मेगास्टार अनमोल केसीले डेब्यु गरेको चलचित्र ‘होस्टल’ को तेस्रो सिक्वेल ‘होस्टेल’ ३ को पहिलो गीत ‘टिक टिक टिक’, बोलको गीत सार्वजनिक भएको छ । अलमोडा राणा उप्रेतीको शब्द, सङ्गीत र स्वर रहेको गीतमा अलमोडासँगै सन्तोष राणाले र्‍याप भोकल दिएका छन् । गीत सार्वजनिक भएसंगै दर्शकहरुले अत्यधिक रुचाएका छन ।

अहिलेका सामाजिक संजालहरु टिक टिकबाट उदाएका पारस बम (कुल ब्वाइ)भोइस अफ नेपाल बाट चिनिएका रिहान गिरी, सिक्किमका कन्टेन कृयटर पदम तामाङ,चर्चित कलाकार केदार घिमिरे ( माग्ने बुडा) का सुपुत्र आशिष घिमिरे, सिम्रन पन्त, हेना नगरकोटी, र समा पराजुली फिचर्ड छन् । सामाजिक संजालमा भाईरल भएकै कारण भन्दापनी चलचित्रको गीत निकै राम्रो बनेको कारण रिलिज भएकै दिन टिकटक तथा रिल्समा ट्रेन्डिङ हुन थालेको छ भने युट्युबमा उत्साहजनक प्रतिक्रियाहरू आइरहेका छन् । प्रविण सिंहले कोरियोग्राफी गरेको यो गीतमा चलचित्रका सबै प्रमुख कलाकारहरूको आकर्षक नृत्यले गज्जब बनेको छ । एक होस्टल लाइफमा भएका घटना हरुलाई कोरियोग्राफरले गज्जबले प्रस्तुत गरेकाछन ।

‘टिक टिक टिक, जाने समयसँग सिक साथी, ठिक ठिक ठिक, एक दिन हुन्छ सबै ठिक’ – यो गीत रचनाले कलेज जीवनका उतारचढावलाई सङ्गीतमय रूपमा उजागर गर्दै विविध पृष्ठभूमिका साथीहरूबीचको बन्धुत्वलाई मजबुत रूपमा प्रस्तुत गरिएको छ । यस गीतले दर्शकलाई आफ्नै कलेज जीवन सम्झन बाध्य बनाउँछ । चलचित्रको निर्देशन सशान कँडेलले गरेका हुन् भने स्क्रिप्ट माधव शर्माले लेखेका छन्  कथा निर्देशक कँडेलकै हो ।

यसमा क्याम्पस जीवनका सङ्घर्ष, मित्रता, र रमाइलो क्षणहरूको कथा रहेको छ । चलचित्रमा उमर खान, सन्तोष बानियाँ, रोहन श्रेष्ठ, आशिष् पुरुषलगायतका कलाकारहरूको पनि अभिनय रहेको छ । सुरेश कँडेल, कर्ण कार्की र गोविन्द अधिकारीले निर्माण गरेको चलचित्रका कार्यकारी निर्माता शङ्कर कोइराला हुन । सह निर्माताहरू शिशिर ज्ञवाली, कुन्दन गुप्ता र अनीश सिग्देल तथा लाइन प्रोड्युसर कोसिसराज क्षेत्री हुन् ।चलचित्र सम्मान इन्टरटेनमेन्टले आरोन कन फिल्म्ससँगको सहकार्यमा निर्माण गरेको हो ।