चलचित्र ‘जनै हराएको बाहुन’ निर्माण घोषणा, २०८२ सालमा दर्शकमाझ आउने

गाउँबाट सहर आएका एक सरल व्यक्तिले भोग्नुपरेका अनपेक्षित परिस्थिति र त्यसले उनको जीवनमा ल्याएको परिवर्तनलाई केन्द्रमा राखेर आम दर्शकहरुलाई एक अनौठो र रोमाञ्चक यात्रामा लैजाने योजना सहित चलचित्र ‘जनै हराएको बाहुन’ निर्माण गरिने भएको छ । नयाँ कथा र आकर्षक नाम बोकेर पेपरक्लिप प्रा।लि।ले निर्माणको घोषणा गरेको चलचित्र ‘जनै हराएको बाहुन’ लाई केही वृत्तचित्र र लघु चलचित्र निर्देशन गरिसकेका निर्देशक हिमाल न्यौपानेले निर्देशन गर्ने भएका छन् ।

लामो समयदेखि नेपाली चलचित्र क्षेत्रमा सक्रिय रहेका निर्देशक हिमाल न्यौपानेले यो चलचित्र आफ्नो लागि सपना पूरा गर्ने अवसर भएको बताए । ‘जनै हराएको बाहुन’ भने उनको पहिलो व्यावसायिक चलचित्र हो ।यो वर्षको अन्त्यसम्ममा छायाङ्कन सुरु गर्ने लक्ष्य राखिएको यो चलचित्र २०८२ सालमा दर्शकमाझ आउने अपेक्षा गरिएको छ । चलचित्रका लागि कलाकार र अन्य प्राविधिक टोलीको बारेमा केही दिनभित्रै सार्वजनिक गरिने निर्माण कम्पनी पेपरक्लिप प्रा लि का प्रमुख बिमल न्यौपानेले जानकारी दिए ।