‘बसन्त’ को पहिलो गीतमा ‘बोल माया’ देखी ,गलबन्दी सम्मको झल्को

यस बर्षको प्रतिक्षित चलचित्र ‘बसन्त’ को पहिलो गीत ‘साँझ पर्यो झमक्क’ सार्वजनिक भएको छ । आफ्नो हरेक गीतमा केही न केही संवाद राख्दै आएका यस चलचित्रका मुख्य कलाकार तथा गायक प्रकाश सपुतले यो गीतमा पनि निकै सोचनिय संवाद राखेका छन । ‘साँझ पर्यो झमक्क’ मा पनि ‘सङै यात्रा गरेपनी के गर्नु दोबाटो आएसी छुटिन पर्छ क्यारे, लैजाउ भन्दा लाने हैन डर छेरुवा कामी, जाउ भन्दा जाने हैन उत्ताउली बाहुनी ‘ जस्ता संवादले गीत कस्तो बनेको छ् भन्ने कौतुहलता जगाउछ । गीत सपुत कै अफिसियल युट्युब च्यानलमा सार्वजनिक भएको छ ।

संवाद पछी सुरु भएको ‘साँझ पर्यो झमक्क’ गीतमा प्रकाश उनकै आफ्नो गीत गलबन्दी च्यातियो गीतमा प्रस्तुत भएजसरी प्रस्तुतु भएका छन ।आफ्नै गाउ बाग्लुङमा छायांकन गरिएको यो गीत ‘साँझ पर्यो झमक्क’ गाउघरको रोधी परिचित यानिमाया, सालैजो र घाँसदाउरा अनि मेलापातमा प्रयोग हुने टिपिकल ग्रामिण परिवेश देखाएका छन् । सपुतको डेव्यु निर्देशकिय सिनेमा ‘वसन्त’को पहिलो गीत ‘साँझ पर्यो झमक्क’ को शब्द संगीत र स्वर पनि उनकै रहेको छ भने शान्ती श्री परियारले उनलाई साथ दिएकिछिन ।

मौसम हिमालीको कोरियोग्राफी तथा प्रविन भट्टको सम्पादन रहेको गीतमा प्रकाश सपुत, स्वस्तिमा खड्का, प्रभात पाल ठकुरी, श्री शिभान्सी, उर्मिला लाम्गादे र खड्क बहादुर पुन (खबपु) फिचर्ड छन् । पुतको जन्मथलो बागलुङ, काठमाडौं र तराईका विभिन्न ठाउँमा सिनेमाको छायांकन गरिएको हो । सिनेमामा अनुप बराल, कमलमणी नेपाल, प्रकाश घिमिरे लगायतका कलाकारको पनि अभिनय रहेको छ । सपुतको ड्रीम प्रोजेक्ट ‘बसन्त’ निर्माण घोषणा देखिनै चर्चामा छ ।

सबैले गरिरहेको कामलाई फरक तरिकाले गर्न रुचाउने सपुतले आफ्नै लेखन निर्देशनमा चलचित्र ‘बसन्त’ घोषणा गरेदेखिनै निकै चर्चामा छ । उनले निर्माण घोषणा गर्दा चलचित्रका लागी कलाकारहरुको परिचय र चलचित्रको बारेमा भिडियो मात्र देखाएका थिए । पोस्टर सार्वजनिक भएपछी झनै चर्चामा आएको ‘बसन्त’ दर्शकहरुको प्रतिक्षामा छ । चलचित्र यही चैत्र २२ गतेबाट प्रदर्शनमा आउँदै छ ।