प्रदीप खडकाको ‘एक्टर: टेक वन’ अब माघ १६ गते शहिद दिवसको दिनबाट

गत कार्तिक १५ गतेको लागी प्रदर्शनको मिती तोकिएको स्टार प्रदीप खडका अभिनित चलचित्र ‘एक्टर’ अब यही माघ १६ गतेबाट प्रदर्शनमा आउने भएको छ । सोमबार चलचित्रका निर्माता थम्मन कुमार भण्डारीले सामाजिक संजाल फेसबुकमा आधिकारित पोस्ट गर्दै चलचित्र अगामी माघ १६ गतेबाट प्रदर्शनमा आउनलागेको जानकारी दिएकाछन ।

राजन भुसाल निर्देशित ‘एक्टर: टेक वन’ को कथा आकाश बराल र राजन भुसालले लेखेका हुन । नरेन्द्र मैनाली र सञ्जय लामाको सिनेम्याट्रोग्राफी रहेको चलचित्र एक्टरलाई निमेश श्रेष्ठले सम्पादन गरेकाछन । चलचित्रमा राजवल्लभ कोइरालाको चलचित्रमा पुन कम्व्याक भएको छ भने यही चलचित्रबाट चर्चित नायक दिलिप रायमाझीकी छोरी दिव्या रायमाझीले डेब्यु गर्दैछिन । चलचित्रमा दिव्यदेव पन्त, उषा रजक, सुशील सिटौलाको पनि अभिनय छ ।