विपिन र मिरुनाको ‘ऊनको स्वीटर’ बैशाख २६ गतेबाट प्रदर्शनमा आउने

पछिल्लो समयकी चर्चित अनी व्यस्त नायिका मिरुना मगर र चर्चित नायक बिपिन कार्कीको मुख्य भूमिका रहेको चलचित्र ‘ऊनको स्विटर’ को प्रदर्शन मिती घोषणा गरिएको छ । चलचित्रको एक पोस्टर सार्वजनिक गर्दै आगामी बैशाख २६ गतेलाई प्रदर्शन मिति घोषणा गरिएको छ ।स्थानीय संस्कार, संस्कृति, भेषभुषा, लवज, खानपान र रहनसहनसँगै माया प्रेमको कथा समेटिएको चलचित्र लाई आर्टमाण्डु ले निर्माण गरेको हो भने लेखक निर्देशक नबिन चौहान हुन ।

नवीनले आर्टमाण्डूमार्फत् ‘तीन पाते’, घुमिघुमी, फूलथुंगे रानी, चन्द्रमा, पाहुना हजुर, सुनाखरी, ‘के माया लाग्छ र, बटौली’ जस्ता दर्जन भन्दा बढी म्युजिकल फिल्म निर्माण गरिसकेका छन् । चलचित्रमा विपिन र मिरुनासँगै सुनिल पोखरेल, माओत्से गुरुङ, विल्सन विक्रम राई, प्रेम सुब्बा, एलेक्स पारस, परीक्षा लिम्बु, सुरज तमू, शारदा देवी सिलवाल, भावना खपाङ्गी मगरलगायतको अभिनय रहेको छ ।