‘याक्थुङ सिने अवार्ड २०८१’ मा ११ वटा चलचित्र नोमिनेशनमा

यही मङसिर १८ गते धरानमा हुने पहिलो ‘याक्थुङ सिने अवार्ड २०८१’ मा ११ वटा चलचित्रहरु छनोट भएको छ । शनिबार आयोजक याक्थुङ चलचित्रकर्मी संघ केन्द्रिय समितीको आधिकारिक सामाजिक संजाल फेसबुकमा पोस्ट गर्दै चलचित्रहरु नोमिनेशन भएको जानकारी दिएको हो । मोमिनेशन हुने चलचित्रहरुमा बिजय संयोक सुब्बा को निर्देशनमा रहेको हाङ्नाङ्द, प्रेम सुब्बाको निर्देशनमा रहेको माङ्गेना, दिनेश माङमु को निर्देशान् रहेको युक्पुङ,सागर सुब्बाको लोजिमा,प्रकाश लिम्बु को निर्देशनमा रहेको खोक्पा र येक्पा, लोकेन सांवा लिम्बुको निर्देशनमा रहेको सुगुप ,सागर केरुङ को निर्देशन रहेको, के २०२३ , तेज मेन्याङबो को इच्छिङ, राज श्रेष्ठको सिक्कुम र अर्को एक लिम्बु चलचित्र नोमिनेशनमा परेको छ ।

अवार्ड दुई वटा बिधाहरु चलचित्र तर्फ र लघु चलचित्र तर्फ फरक फरक शिर्सकमा प्रदान गरिने छ । चलचित्र तर्फ ७ वटा विधा र लघु चलचित्र तर्फ ५ वटा विधामा अवार्ड प्रदान हुने छ । चलचित्र तर्फ सर्वोत्कृष्ट चलचित्र, सर्वोत्कृष्ट निर्देशक, सर्वोत्कृष्ट नायक, सर्वोत्कृष्ट नायिका, सर्वोत्कृष्ट चरित्र अभिनेता, सर्वोत्कृष्ट चरित्र अभिनेत्री, पब्लिक चोईस विधामा अवार्ड प्रदान गरिने छ । लघु चलचित्र तर्फ उत्कृष्ट लघु चलचित्र, उत्कृष्ट निर्देशक, उत्कृष्ट अभिनेता, उत्कृष्ट अभिनेत्री, पब्लिक चोईस लघु चलचित्र विधामा अवार्ड प्रदान गरिने छ । अवार्डका लागि ८ नियम भित्र रहेका चलचित्र तथा कलाकार चयन गरिने बताइएको छ । कार्यक्रम धरान स्थित बिपी कोइराला स्वास्थ्य विज्ञान प्रतिष्ठान को अडिटरिएम हलमा हुने छ । कार्यक्रममा चलचित्र बिकास बोर्डका अध्यक्ष दिनेश डिसी, चर्चित निर्देशक लेखक उपेन्द्र सुब्बा, मोडल माल्विका सुब्बा, नायिका परिक्षा लिम्बु लगायतको उपस्थिती रहने आयोजकले जनाएको छ ।