५१ औ दिन मनाउन सफल चलचित्र ‘महापुरुष’ लक्ष्मी पूजादेखी युट्युबमा हेर्न पाइने

बर्ष २०८० को सुपरहिट, ५१ औ दिन मनाउन सफल चलचित्र ‘महापुरुष’ अब युट्युबमा हेर्न पाइने भएको छ । चलचित्रका लेखक तथा निर्देशक प्रदीप भट्टराई ले आज आफ्नो सामाजिक संजाल फेसबुकमा पोस्ट गर्दै आउने कार्तिक १५ गते लक्ष्मी पूजाको दिन चलचित्रलाई युट्युबमा अपलोड गरिने भनी पोस्ट गरेका छन । चलचित्र केन्द्र मोशन पिक्चरको अफिसियल युट्युब च्यानलमा अपलोड गरिने भएको छ । यस अघी नेपाल र नेपाल बाहिरका बिभिन्न सिनेमाहलहरुमा ५१ औ दिन मनाउन सफल रहेको चलचित्र ‘ महापुरुष’ सिनेमाहलहरुमा नपुगेका देशका नेपाली दर्शकहरुको पर्खाइको बिषय थियो । २०८० को कार्त्तिक ११ गतेबाट अल नेपाल रिलिज भएको ‘महापुरुष’ ले पहिलो शो हरुमा सन्तोषजनक व्यापार गरेपनी माउथ पब्लिसिटी पछी दर्शकको ओइरो लागेको थियो ।

पहिलो पटक मोफसलमा पनि ग्राण्ड प्रिमियर गरिएको ‘महापुरुष’ ले नेपाली चलचित्रबजारमा फरक कथा बस्तु को रुपमा पनि चिनायो । चलचित्रमा मदनकृष्ण श्रेष्ठ, रविन्द्र सिंह बानियाँ, अन्जना बराइली, राजाराम पौडेल, शिखा तामाङ, कोपिला थापा, शिरु विष्ट, कविता श्रेष्ठ, नरेन्द्र कंसाकार, सविन बास्तोला, नरेश पौड्याल, प्रेम पाण्डे, सुमन रिमाल, माधव अधिकारी, प्रकाश भट्टराई, घनश्याम जोशी, अर्जुन आचार्यलगायतको अभिनय छ । एक बुवा र आमाले आफ्ना सन्तानका लागी निभाउनु पर्ने भूमिका एक बाबाले निभाएर समाजको अगाडी महापुरुष बनेका बुवा र सन्तानको मिठो कथा हो ‘महापुरुष’ ।

विश्व बजारमा धेरै चलचित्रहरु आमाको त्याग र बलिदानको कथामा बनेको महापुरुषले एक त्यागी बाबाको कथा बोलेकोछ । आफ्नो सन्तानको लागी आमा मात्र हैन्न बाबा पनि उतिकै त्यागी बन्न सक्छन भन्ने कथामा निर्माण भएको थियो । चितवन देवघाटका एक बुवाको जीवनीबाट प्रेरित भएर निर्माण गरिएको ‘महापुरुष’ साचै नेपाली माटो सुहाउदो चलचित्र सावित हुँदै ५१ दिन मनाएर अहिले डिजिटल एप्स सिनेमा घर एप्समा रिलिज भएको हो । सोही दिन अर्थात कार्तिक १५ गतेबाटनै ‘महापुरुष’ कि मुख्य नायिका अन्जना बराइली अभिनित चलचित्र ‘पूर्ण बहादुर को सारङ्गी’ पनि प्रदर्शनमा आउँदै छ ।