धरानका दर्शकले चलचित्र ‘खुस्मा’ को पहिलो शो कलाकार संगै हेरे

आजबाट प्रदर्शनमा आएको चलचित्र ‘खुस्मा’ को पहिलो शो धरानका दर्शकहरुले ‘खुस्मा’ का मुख्य कलाकारहरु सँग बसेर हेरेका छन । धरान फ्रेण्ड्स सिनेमाजमा पहिलो शो बिहान ९ :३० को शो हाउसफुल थियो । पहिलो शो मा ‘खुस्मा’ का बुवा बनेका धरानका कलाकार बिजय सुब्बा र धीरज मगर का आमा बनेकी सुजता राई उपस्थित थिए ।उनिहरुलाई याक्थुङ चलचित्रकर्मी संघका केन्द्रिय अध्यक्ष नबिन मेन्याङ्बो लगायत कार्यसमितीले खदा लगाएर बधाई दिए ।  चलचित्र बिशेषगरी नेपालमा भएको १० बर्षे जनयुद्दमा नेकपा माओवादी र सरकार पक्षबाट भएको ज्याजती, बेपता, शाहीद, अङग भङ्ग भएका व्यक्तिहरुले अझै पनि न्याय नपाएको कथालाई जस्ताको तस्तै प्रस्तुत गर्न खोजिएको छ ।

एकातिर द्वन्दको प्रभाव र उता साँस्कृतिक बिषय बस्तुलाई पनि ध्यान दिएर निर्माण गरेको ‘खुस्मा’ लाई निर्देशकले न्याय दिएकाछन । आजबाट प्रदर्शनमा आएको चलचित्रले देशै भरी राम्रो सुरुवात गरेको छ ।मगर जातीमा रहेको परम्परागर्त बैबाहिक सम्बन्ध र प्रेम सम्बन्धलाई प्रस्तुत गरिएको छ । चलचित्रको करिब ७० प्रतिशत हिस्सा रुकुम पूर्वको मैकोट र आसपासमा छायांकन गरिएको ‘खुस्मा’ मा रुकुम पूर्वको सुन्दर भूगोल, मौलिक भाषा, कला, संस्कृति र अर्गानिक जीवनशैलीलाई प्रस्तुत गरिएको छ ।

द कोरियन ड्रिम’ नामक लघु चलचित्रको निर्देशन तथा चलचित्र ‘निरफूल’ को सहनिर्माताका रूपमा काम गरेका ‘खुस्मा’ का निर्देशक अशोक थापाको डेब्यु चलचित्र रहेको ‘खुस्मा’ को गीत रुकुम मैकोटले करोड भ्युज पाएको छ । यही गीतका कारण पनि फिल्मको चर्चा चुलिएको छ र प्रतिक्षित पनि बन्दै गएको थियो । चलचित्र ‘खुस्मा’ को बितरक कुबेर सिने डिस्ट्रिब्युटर्स रहेको छ ।

एम मिडिया प्रालिको ब्यानरमा निर्माण भएको सिनेमाका निर्मातामा विर बहादुर लामा, चन्द्र बहादुर भट्टचन र बेतान मगर छन्, भने सह–निर्मातामा मान बहादुर धनाह मगर र सुस्मिता बुढाथोकी हुन् ।मोहन राई कार्यकारी निर्माता रहेको सिनेमामा दिपक बज्राचार्यको छायांकन रहेको छ ।धिरज र उपासनाका अलावा सिनेमामा माओत्से गुरुङ, खड्क बहादुर पुन (खबपु), सुजाता राई, विजय सुब्बा, राज थापा काउचा, अस्तित्व भट्टचन, संगीता थापा मगर, अरुन मगर, सारा राई, श्वेता मिश्र, विवेश मगर लगायतका कलाकारको अभिनय रहेको छ ।