स्थापना भएको ५ वर्षपछी इटहरीमा रहेको फिल्म कलेज ‘पिफ्ट’ बन्द

पाच बर्ष अघी कोशी प्रदेशको इटहरीमा स्थापना भएको पूर्वाञ्चल इन्स्टिच्युट अफ फिल्म एण्ड टेलिभिजन (पिफ्ट) सधैंको लागी बन्द भएको छ । पिफ्टका सिइओ रोनिश राउतले फिफ्टको आधिकारिक सामाजिक संजाल फेसबुकमा पोस्ट गर्दै पिफ्ट सधैंका लागी बन्द भएको घोषणा गरेका हुन । फेसबुकमा उनले “देशमा जारी आर्थिक चुनौतीका कारण पूर्वाञ्चल इन्स्टिच्युट अफ फिल्म एण्ड टेलिभिजन (पिफ्ट) सदाका लागि बन्द भएको घोषणा गर्न पाउँदा हामी दुःखी छौं। हाम्रो उत्कृष्ट प्रयासको बावजुद, जिम्मेवारी पदमा रहेकाहरूबाट कलाको लागि सहयोग र दृष्टिको अभावले हामीलाई जारी राख्न असम्भव बनाएको कारण बन्द गर्नु परेको उल्लेख गरेका छन । उनले २०० भन्दा बढी विद्यार्थीहरूले पिफ्ट बाट विभिन्न अल्पकालीन र दीर्घकालीन पाठ्यक्रमहरूमा स्नातक गरेको उल्लेख गर्दै, कलेजको यात्रामा सहभागी हुनुहुने सबैलाई हृदयदेखि कृतज्ञता व्यक्त गरेका छन ।

५ बर्ष सम्म इटहरी नगरलाई फिल्म नगरी बनाउने कोशीस गर्दागर्दै पनि सम्बन्धित निकायले चासो नदिदा, नेपाली चलचित्र क्षेत्रको लागी केही योगदान पुगोस र चलचित्रकर्मीहरुको उत्पादन गर्न सकु भनेरै काठमाण्डौ बाट इटहरी आएर ५ बर्षसम्म आफुले कोशीस गरेको तर सफल हुन नसक्दा फेरी पनि चलचित्र क्षेत्रमा कुनै न कुनै माध्यमद्वारा जोडीने हाल बैदेशिक रोजगारीको शिलशिलामा बेलायतमा रहेका संचालक राउतले जानकारी दिए । पछील्लो समय पिफ्टले धेरै कलाकारहरु र प्राविधिकहरु उत्पादन गरेको छ । हाल उनिहरु चलचित्र क्षेत्रमा नै लागिपरेका छन । राउतले एकेडेमीलाई चलायमान र प्रभावकारी बनाउन अहिलेकी चर्चित निर्देशक कलाकार दिपा श्री निरौलालाई अध्यक्ष पदमा राखेका थिए । पछील्लो समय चलचित्र प्रचार प्रसारको लागी पुर्वमा आउने चलचित्रकर्मीहरुको भेटघाट गर्ने ठाउँ र आफ्नो चलचित्रको बारेमा जानकारी दिने प्रेस मीट, गर्ने हब बन्दै गरेको पिफ्टले नेपाली चलचित्रको प्रचार प्रसार, अडिशन लिने , कलाकार उत्पादन गर्ने जस्ता कार्यहरुमा निकै सहयोग गर्दै आएको थियो ।