राजनराज र मेलिनाको आवाजमा ‘सानो संसार’को गीत सार्वजनिक

चर्चित गायक तथा संगीतकार राजनराज सिवाकोटी र गायिका मेलिना राईको आवाजमा चलचित्र ‘सानो संसार’ को पहिलो गीत सार्वजनिक भएको छ । यही असोज ११ गतेबाट प्रदर्शनको तयारीमा रहेको चलचित्र ‘सानो संसार’को ‘मग मग फूलबारी’ बोलको गीतलाई एक विवाहको सेटमा खिचिएको छ । पारिवारिक जमघट र विवाह पार्टीमा बजाइने गीत सिर्जना गर्न खप्पिस सिवाकोटीले यो गीतपनी गज्जब तयार परेका छन । सोमबार श्रीकृष्ण जन्माष्टमीको अवसर पारेर राजधानीमा आयोजित एक कार्यक्रमका बीच सिनेमाको गीत सर्वाजनिक गरिएको हो । गीतमा सिवाकोटीकै शब्द छ । गीतको भिडियो लाई सुजैन खडका र मनोज खडकाले संयुक्त रुपमा कोरियोग्राफी गरेक छन । विवाहको सेटअपमा तयार पारिएको शरद महतोले खिचेको सार्वजनिक गीतको भिडियोमा प्रायः सवै मुख्य कलाकारहरु फिचर्ड छन् ।

पारिवारिक कथावस्तुमा निर्माण भएको सिनेमामा हास्य कलाकार केदार घिमिरे ‘माग्नेबुढा’की श्रीमती सीतादेवी तिमल्सेनाको मुख्य भुमिका रहेको छ । सिनेमामा सीताका अलवा राज पंगेनी शर्मा, अनु दाहाल, अन्जसा रिजाल शिशिर सिवाकोटी, सरिता भण्डारी र जीवन गौतमको अभिनय रहेको छ । यी सवै कलाकारले नेपाली रजतपटमा डेव्यु गर्दैछन् । राजधानी मिडिया एड प्रोडक्सन र प्रिन्सेस मूभिजको व्यानरमा सिनेमा निर्माण भएको छ । अर्जुन कसमार निर्माता रहेको सिनेमाका कार्यकारी निर्माता माधव वाग्ले हुन् । राजधानी मिडिया र प्रिन्सेस मूभिजले सिनेमालाई संयुक्तरुपमा प्रदर्शन गर्नेछन् । सिद्धार्थ पुडार्सनीले सिनेमालाई निर्देशन गरेका हुन् । यही सिनेमाबाट उनले लेखन तथा निर्देशनमा डेव्यु गर्दैछन् । उनलाई सिनेमाको कथा लेखनमा सरिष्मा खत्रीले सघाएकी छन् ।