चलचित्र ‘रावायण’ को पोस्टरमा पल र पूजाको रहस्यमय लुक्स

यही बर्ष २०८१ को भदौ २१ गते तिजका दिन प्रदर्शनमा आउन लागेको चलचित्र ‘रावायण’ को पोस्टर रिलिज भएको छ । ‘रावायण’को दोस्रो पोस्टर सार्वजनिक भएको हो । पोस्टरमा नायक पल शाह र नायिका पूजा शर्मा फिचर्ड छन् ।पोस्टरमा पललाई गम्भीर भावमा देख्न सकिन्छ । पूजा रिसाएको लुक्समा छिन् । सुदर्शन थापा प्रोडक्शन र पूजा शर्मा प्रोडक्शनको संयुक्त व्यानरमा बन्ने फिल्मका निर्मातामा सुदर्शन र पूजा हुन् ।शिवम अधिकारीको लेखन, सौरभ लामाको छायाङ्कन, विक्रम स्वार र रामजी लामिछानेको कोरियोग्राफी, श्री श्रेष्ठको एक्सन रहने फिल्मको वितरण उपत्यका भित्र रिच इन्टरटेनमेन्ट र उपत्यका बाहिर एफ.डी कम्पनीले गर्नेछ । फिल्ममा पल, पूजा र प्रमोदसँंगै प्रियंका कार्की, निकिता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदिप ढकाल लगायतका कलाकारको अभिनय रहनेछ ।