दर्शकहरुको माग भएपछी धरानमा ‘खोक्पा’ र ‘बाध्यता’ पुन प्रदर्शन

पछील्लो समय लिम्बु संस्कार र संस्कृतिलाई संरक्षण गर्न पूर्वमा रहेका लिम्बु चलचित्रकर्मीहरुले छोटो लघु लिम्बु चलचित्रहरु निर्माण मा तिव्रता दिन थालेका छन । लिम्बु जातिको रहनसहन संस्कृतिलाई देखाउन , लिम्बुहरुको बिभिन्न संस्कारहरु बिहे, मृत्‍यु बिभिन्न बिधीहरुलाई आधार मानेर लघु चलचित्रहरु निर्माण भैरहेका छन । यसैक्रममा लिम्बुहरुको बिहेको संस्कार सँग जोडीएको लघु चलचित्र खोक्पा पनि निर्माण गरेर पहिलो शो , केही समय अघी कोशी प्रदेश सरकारले आयोजना गरेको ‘चलचित्र महोत्सव – २०८१’ मा प्रदर्शन गरेर दर्शकहरुको माया पाइसकेको छ ।

लिम्बू जातिमा छोरी चेली विवाह गरेर गएपछि रीतिरिवाज अनुसार कोसेली बुझ्नु लाई ‘खोक्पा’ भनिन्छ , यही बिषयलाई उठान गरेर निर्माण गरेको ‘खोक्पा’ लाई महोत्सब पछी इटहरी धरान लगायत बिभिन्न ठाउमा प्रदर्शन पस्चात धराने दर्शकहरुको माग भएपछी धरानमा सोमबार पुन प्रदर्शन गरिएको छ । मिना हुक्पा चोङ्बाङको निर्माण ,  प्रकाश लिम्बु को लेखन तथा निर्देशन रहेको ‘खोक्पा’ हेर्न सोमबार धरान स्थित फ्रेण्ड्स सिनेमा हलमा धराने दर्शकहरु खचाखच थिए । चलचित्र हेरिसकेर संचारकर्मीहरु सँग दर्शकहरुले ‘खोक्पा’ निकै मन परेको प्रतिकृया दिए । हाम्रो संस्कारहरु, संस्कृति बढो गज्जब रहेछ चलचित्र हेरेर धेरै कुरा थाहा पाएको एक दर्शकले भने , यस्तै चलचित्र मार्फत धेरै जानकारी दिएको मा उनले निर्माण टिमलाई धन्यवाद समेत । मिना हुक्पा चोङ्बाङले निर्माण गरेको ‘खोक्पा’ मा प्रकाश लिम्बु को लेखन तथा निर्देशन रहेको छ । प्रेम सुब्बा, नबिन मेन्यङ्बो, मिना हुक्पा चोङ्वाङ (यक्सो) बादल चेम्जोङ, नुमा नेयोङ लिम्बु, तिरज लिम्बु, जोसेफ लिम्बु , यम सुब्बा, हिमाल लेचर्बो, तिर्थ मदेम्बा, नबिन पराजुली, समृद्धि लिम्बु, उर्मिला तामङ मकर बहादुर नेयोङको अभिनय रहेको  ‘खोक्पा’ को प्रमुख भूमिकामा नुमा नेयोङ र तिरज लिम्बु छन । नुमा नेयोङ र भूमिका नाल्बो फिल्मका सह – निर्माता हुन भने सम्पूर्ण व्यवस्थापनाको जिम्मा सानुराजा थेगिम र राजीव दाहालले सम्हालेका छन ।

यस्तै आजनै प्रकाश लिम्बु कै लेखन निर्देशन् अनी मुख्य अभिनय रहेको अर्को चलचित्र ‘बाध्यता’ पनि प्रदर्शन भयो । तिरज लिम्बु को निर्माण रहेको बाध्यता ले दर्शकहरुलाई धेरै मनोरन्जन दिएको थियो । सुरु सुरुमा हासिरहेका दर्शकहरु चलचित्रको अन्त्य अन्त्यमा आसु झारिरहेका थिए । ‘बाध्यता’ ले अहिलेका युवा पुस्ताहरुको प्रेम कहानी, रोमान्स अनी त्यस्ले निम्त्याउने आरोह अवरोहलाई निर्देशक लिम्बु ले गज्जबले प्रस्तुत गरेका छन ।

एउटा परिवारमा आर्थिक कमजोरी देखी , निसन्तान सम्मको समस्या हुँदा परिवारमा आउने उतार चढाव र युवा पुस्तामा मौलाउदै गरेको मदिरा मोहले ल्याउएको नकरात्मक असरलाई ‘बाध्यता’ ले चित्रण गर्ने प्रयास गरेको छ । अनेक आबश्यकता हुँदाहुँदै पनि आर्थिक अभावले गाजिएको एक सुन्दर परिवारको बाध्यतालाई मुल बिषय बनाएर निर्माण गरिएको ‘बाध्यता’ स्थानिय समाजको वास्तविक कथालाई ‘बाध्यता’ ले बोलेको छ । बाध्यतामा सारादा शाक्य, प्रकाश लिम्बु रोजनी लिम्बु रेन्सा लिम्बु तिरज लिम्बु कंचन लिम्बु, अदम लिम्बु, लक्ष्मण खनाल , बिनोद रसाइली , सुबाश राई र ईन्द्र लिम्बुको अभिनय रहेको छ ।