बलात्कार जस्ता अपराजन्य घटनाको उठान गरिएको ‘देवी’को टिजर सार्वजनिक

यही भदौ २१ गतेबाट देश र बिदेश एकसाथ प्रदर्शनमा आउन लागेको चलचित्र ‘देवी’को टिजर सार्वजनिक भएको छ । आज सर्वजनिक १ मिनेट ३० सेकेण्ड लामो टिजरमा वि.सं. २०७५ साउन १० गते कञ्चनपुर जिल्लाको महेन्द्रनगरमा साथीको घरबाट हराएकी किशोरी निर्मला पन्तको बलात्कार पछी भएको हत्याको बिषयबस्तुलाई चलचित्रमा मुख्य बिषय बनाइएको छ । निर्मला पन्त बलात्कार र हत्याकाण्ड नेपालमा भएको एक दर्दनाक हत्याकाण्ड मध्ये एक हो । नाबालिक १३ बर्षीय निर्मला पन्तको बलात्कारपछि हत्यामा आधारित रहेको टिजरले स्पस्ट बताउछ । देवी अर्थात शिल्पा एक अन्यायको बिरुद्दमा लडने सशक्त्त महिलाको रुपमा प्रस्तुत गरिने टिजरबाट अनुमान लगाउन सकिन्छ । ‘देवी’ ले समाजमा घट्ने बलात्कार जस्ता अपराजन्य घटनामा कानुनले पार्ने प्रभाव र त्यसले निम्त्याउने परिणामको कथा पेश गर्ने अनुमान लगाउन सकिन्छ । आज सार्वजनिक भएको टिजरमा चलचित्रका सबै मुख्य पात्रहरु अटाएकाछन ।

सञ्जोग राईले निर्देशन गरेको देवीले क्राइम थ्रिलर कथा पेस गर्ने जानकारी निर्माणपक्षले दिएको छ। ‘देवी’ एक्जिबिट स्टुडियोको प्रस्तुतिमा बनेको सिनेमा हो । सार्वजनिक प्रदर्शनका लागि यो सिनेमाले बाँसुरी फिल्म्ससँगको सहकार्य गरेको छ । चलचित्र नेपालसहित विदेशमा पनि एकसाथ प्रदर्शनमा आउनेछ ।यसै चलचित्रबाट निर्देशनमा डेब्यू गरिरहेका राईले आफ्नो चलचित्रले महिलामाथि हुने यौनहिंसा विरुद्धको कथा पेस गर्ने बताउँदै आफूले यसमा व्यावसायिक भन्दा पनि इमान्दार भएर एउटा राम्रो चलचित्र बनाउने प्रयास गरेको बताए चलचित्र मा अभिनेत्री शिल्पा पत्रकार, गौरव अपराध अनुसन्धान गर्ने प्रहरी तथा नाजिर एक संस्था सञ्चालकको भुमिकामा पर्दामा प्रस्तुत हुनेछन् । चलचित्र गौरवका बुवा तथा वरिष्ठ अभिनेता टीका पहारीको पनि अभिनय रहेको छ ।रेमन गुरुङ, नारायण राई र सञ्जोग राईको निर्माण रहेको सिनेमाको कार्यकारी निर्माता जावेद खान तथा सह-निर्माता उजेन नोर्वे गुरुङ र मिलन लामा हुन् । मनोज राठी र उज्वल पौडेलले वितरण को जिम्मा लिएको ‘देवी’ जोएल फ्रोमको छायांकन पटकथामा ,निर्देशक राईलाई अजय गौतमले सघाएका छन् ।