‘मोदीबेनी’ ट्रेलरमा बर्षाको तीन रुप देखियो – प्रेम , आज्ञाकारी र रौद्र रुप

यही श्रावण १८ गतेबाट प्रदर्शनमा आउन लागेको चलचित्र मोदिबेनी को ट्रेलर रिलिज भएको छ । कुनै समय गाउघरमा सुनाइने दन्त्य कथा तीन भरियाहरु ढाकर बोक्न जादा एक पाटीमा बास बसेका थिए, मुर्दा दफन गर्न जादा रातपरेपछी मुर्दा तेही पाटीको माथिलो तलामा राखियो भरियाहरु खाना पकाउन लागे, माथिल्लो तलाबाट आवाज आउछ दाई मेरो लागी पनि खाना बनाइदिनु, हुन्छ भनेर भरियाहरु खाना बनाउन लाग्दा मान चामलको पोका झर्छा तेही मिसाएर खाना बनाउछन भरियाहरु, खाना पाकेपछी खाना खान आउनु भनेर बोलाँउदा बास सहितको मुर्दा झर्छ । यही बाट कथा सुरु भएको ‘मोदीबेनी’ ले विश्वाश नलाग्ने सत्य घटना देखाउने प्रस्ट छ । रिलिज ट्रेलरमा बर्षा तीन अवातार रुप देख्न सकिन्छ । आफ्नो प्रेमी प्रतिको प्रेम , अभिभावक प्रती आज्ञाकारी ट्रेलरको क्लाइमेक्समा पुग्दा वर्षाको रौद्र रूप । यस अन्तिमको रौद्र रुपले दर्शकलाई कौतुहलता जगाउछ यस दृश्यले फिल्म हेरु हेरु लाग्ने बनाउछ ।

शंकर कोइरालाले निर्देशन निर्माण भएको सिनेमामा सरोज खनाल, प्रवीण खतिवडा, रेजिना उप्रेती, दिलीप केसी, जीवन भट्टराई, कमलमणि नेपाल, स्नेहा भट्टराई, सुब्रतराज आचार्य, अनामिका लामिछाने, पूजन श्रेष्ठ, गोविन्द सुनार, सरोज अर्याल, लविस गर्तौला, शेर बहादुर बराल, रोजी श्रेष्ठ, हिउवाला गौतम लगायतको पनि अभिनय रहेको छ ।डिनेस्ट इन्टरटेनमेन्टको प्रस्तुतिमा निर्माण भएको सिनेमामा दिलीप केसी निर्माता र हरि श्रेष्ठ सह-निर्माता रहेका छन् । सिनेमालाई आनन्द विक्रम क्षेत्रीले लेखेका हुन् । उत्सव दाहालको छायांकन, भरत रेग्मीको सम्पादन रहेको छ ।