‘तेल भिसा’ अमेरिका छायांकन सकियो, दोस्रो छायांकन चितवनमा हुँदै

एक समयकी चर्चित नायिका ऋचा घिमिरेको श्रीमान तथा निर्देशक शंकर घिमिरेको निर्देशनमा निर्माण भैरहेको चलचित्र ‘तेल भिसा’को पहिलो चरणको छायांकन अमेरिकामा समापान भएको छ । आइतबार निर्माण टिमले चलचित्रको फर्स्टलुक पोस्टर सार्वजनिक गर्दै प्रदर्शन मिति समेत घोषणा गरेकोछ । ‘तेल भिसा’ अमेरिका छायांकन समाप्ती संगै दोस्रो चरण छायांकन सोमबारबाट चितवनमा सुरु भएको छ । सार्वजनिक पोस्टरमा अभिनेता विपिन कार्कीलाई दोहोरो भुमिकामा प्रस्तुत गरिएको छ । उनलाई जवान र बृद्ध गरी दुई फरक लुक्समा देखिएको छ । पोस्टरमा अभिनेत्री वर्षा राउत, ऋचा घिमिरे र पुजा लामाका साथमा केही विदेशी कलाकारलाई देख्न सकिन्छ । सिनेमाको पोस्टरले दर्शकमाझ कौतुहल्ता जगाउछ ।

भदौ २९ गते रिलिज हुने भनिएको सिनेमा अब मंसिर ७ गतेबाट प्रदर्शनमा आउने छ । चलचित्रको प्रदर्शन मिती उपयुक्त लागेर नै यो मितिमा ‘तेल भिसा’ रिलिज घोषणा गरिएको निर्देशक घिमिरे बताउँछन् । प्रिन्स युवराज कार्की र श्रुती दाहाल कार्यकारी निर्माता रहेको तेल भिसामा बुद्धि तामाङको पनि अभिनय सुशन प्रजापतिको छायांकन, रामजी लामिछाने र शिशिर खातीको कोरियोग्राफी, आशिष अविरल, कल्याण सिंह र कृष्ण भारद्धाजको संगीत, विजय बस्यालको पोस्टर डिजाइन र अजय खड्काको सम्पादन रहनेछ ।वेलडन क्रियसनको व्यानरमा ऋचा घिमिरेको प्रस्तुती रहेको सिनेमामा अनिश पाण्डे र शिवराज कार्कीको लगानी रहेको छ ।