‘घर ज्वाँई’ को ट्रेलरमा रिलिज, मगर समुदायको परम्परा र संस्कृतिलाई देखाउने प्रयास

पुर्वी रुकुमको तकसेरा लगायत रमणिय स्थानमा छायांकन गरिएको मगर समुदायको परम्परा र संस्कृतिलाई मुख्य बिषयबस्तु बनाएर निर्माण गरिएको ‘घर ज्वाँई’ को ट्रेलर रिलिज भएको छ । पछील्लो समयको बहुप्रतिक्षित चलचित्र ‘घर ज्वाँई’ मा अत्यधिक रुचाइएको, चलचित्रमा सर्वाधिक सफल जोडी दयाहाङ राई र मिरुना मगरको जोडीलाई पुन एकपटक चलचित्र देखिएको छ । दया र मिरुनाको जोडीलाई रुकुमको तक्सेरा गाउको एक शिक्षक दया र एक्ली छोरी मिरुनालाई ट्रेलरमा देख्न सकिन्छ । लाहुरे भन्दा अरु गतिलो जागिर हुँदैन भन्ने सोच अझै पनि पश्चिममा पाउन सकिन्छ । यही कुरालाई ट्रेलरमा देखाइएको छ । शिक्षक हुँदा मनपरेको केटी मिरुना नपाउने स्थितीमा पुगेका दयालाई घर ज्वाँई बस्नु पर्ने बाधय्ता आइपर्छ, यिनै कथा वरीपरी घुमेको घर ज्वाँईमा निर्देशक अनिल बुढाले दया र मिरुनाको जोडीलाई गज्जबले प्रस्तुत गरेकाछन ।फिल्मको कथा निर्देशक अनिल आफैले लेखेका हुन् भने पटकथा र संवाद लेखनमा उनलाई विनोद खतिवडा र सुभाष कोइरालाले साथ दिएका छन्।

तर पछील्लो समय बिसुद्द जातीय संस्कार र परम्परा झल्काउने फिल्म निर्माण गर्ने भन्दै निकै निर्माता निर्देशक तम्सिएका छन । सुपरहिट चलचित्र जारीमा केही शब्द हरु सुन्दा अप्ठ्यारो लाग्ने प्रयोग भएपनी लिम्बु समुदायमा कहिलेकाही बोलिने थेगो भनेर दर्शकले पचाए । तर आज ट्रेलर रिलिज भएको ‘घर ज्वाँई’ मा कलाकारहरुले बोलेको हरेक संवादमा नेपाली समाजले नपचाउने शब्द जा* लाई हरेक संवादमा र अर्को सुन्नै नसकिने अश्लील शब्द मु* लाई कलाकार बुद्दी तामाङले बोलेका छन । युवा निर्माता जनक घर्ती मगरले निर्माण गरेको फिल्म ‘घर ज्वाँईमा दयाहाङ र मिरूनासहित बुद्धि तामाङ, पुष्कर गुरूङ, शिशिर बाङ्देल, भोलाराज सापकोटा, खड्कबहादुर पुन (खबपु), राज थापा, कविता आले, शिला आले, अनु थापा, बिना थापा मगर, सोनाम लामा, बिबेश बुढा मगर, सुनिल मगर लगायतले फिल्ममा अभिनय गरेका छन्। जि.एम मुभिज प्रोडक्सन प्रालिको ब्यानरमा निर्माण भएको फिल्ममा सुसन प्रजापतिको छायाङ्कन, हर्क साउद/मनोज थापाको गीत संगीत, रामजी लामिछाने कोरियोग्राफर हुन् । फिल्म यही असार २८ गतेबाट प्रदर्शनमा आउँदै छ ।https://