स्व. भक्तराज आचार्यको बायोपिक ‘आचार्य’ बिर्तामोडमा बिशेष प्रदर्शन

भजन सिरोमणी स्वर्गिय भक्त्तराज आचार्यको बायोपिक चलचित्र ‘आचार्य’ १३ वर्षपछि गत असार ७ गतेबाट पुनः पदर्शनमा आएको छ । गत फागुनमा निधन भएका गायक भक्तराज आचार्यको जीवनीमा आधारित सिनेमालाई नेपाल तथा विदेशमा एकसाथ प्रदर्शन गरिनेछ । नेपालमा ब्यांकटेस इन्टरटेनमेन्ट र विदेशमा सेभेन सिजले सिनेमा प्रदर्शन थालेको सिनेमामा गायक आचार्यको भूमिकामा उनकै जेठा छोरा सत्यराज आचार्यले निवार्ह गरेका छन् । उनी सिनेमाका निर्माता पनि हुन् । पहिलो पटक सिनेमा रिलिज हुँदा धेरैले हेर्न नपाएकाले पुनः रिलिज गरिएको निर्माण टिमले जनाएको छ ।

पुन प्रदर्शनमा आएको छैठौ दिनमा झापाको बिर्तामोडको क्यु एफ एक्स सिनेमा मा बिशेष शो गरिएको छ । स्थानीय संचारकर्मी सुनिता तामाङको व्यवस्थापन स्थानीय संचारकर्मी सुनिता तामाङको व्यवस्थापन , झापाली सङ्गीतकर्मी तथा स्रष्टाहरु ,बिर्तामोडको संगीत बिधालय र कलाकारहरुको पहलमा आयोजित बिशेष शो मा झापाका दर्शकहरुसङै भारत सिक्किमक दर्शकहरुको पनि उपस्थिती रहेको थियो । सिनेमा हेर्न संगीतकार गायक, संगीत गुरु, साहित्यकार‌, बरिष्ठ गीतकार शिव शंकर थापा, संगीत गुरु कृष्ण योञ्जन, संगीत गुरु ध्रुब पाठक, संगीत गुरु दिपक रायमाझी , चलचित्र निर्माता केवल तामाङ, चलचित्र पत्रकारहरु लगायत बिर्तामोड आसपासका संगीत विद्यालयका विद्यार्थी तथा चलचित्र पत्रकारहरूको उपस्थित्त रहेको थियो । ‘आचार्य’ हेर्न उपस्थित अधिकांश दर्शक र सर्जकहरुले चलचित्र ‘आचार्य’ पुन: रिलिज गर्नु भजन शिरोमणीको लागि अर्थपूर्ण श्रद्धाञ्जली भएको बताए ।

हल सम्म चलचित्र‌ “आचार्य”हेर्न पुगेका दर्शकले‌ भने‌ चलचित्र हेर्न पाइरहेका छैनन्। यसमा हल व्यावसायीहरुको न्युनतम दर्शकमा चलचित्र प्रदर्शन गर्न पनि जोखिम रहेको , बताउँछन् तर दर्शकहरुको नेपाली चलचित्र हेर्ने इच्छालाई सम्मान गर्दै थोरै दर्शकहरुको उपस्थितीमा पनि सिनेमा प्रदर्शन गरिरहेको क्यु एफ एक्स सिनेमा बिर्तामोडका म्यानेजर केदार बस्नेत बताउछन । बर्षमा केही राम्रा चलचित्रहरु आउछन बाकी समय त सिनेमा हल लाई क्यान्सर लागे झै हुन्छ ठट्यौली पारामा उनले भने । ‘आचार्य’ जस्ता बायोपिक चलचित्र हेर्नै पर्ने चलचित्र बनेकोले पनि सबैले हेरेर राष्ट्रको एक गहना भजन सिरोमणी स्वर्गिय भक्त्तराज आचार्यको जीवनी बुझ्न पाउनु राम्रो कुरा रहेको र झापाका दर्शकहरुले नेपाली चलचित्रहरुलाई गर्ने प्रेमले झापाली दर्शक सधैं एक कदम अगाडी रहेको बताए ।

सिनेमालाई पुन प्रदर्शन गर्न अगाडी सिनेमाको ट्रिमिङ्ग तथा पुन सम्पादनको काम टुल्की निर्देशक देवजंग थापाले गरेका हुन् । सिनेमामा भजन शिरोमणी तथा बरिष्ठ गायक भक्तराज आचार्यको निधन पश्चातका फुटेजहरु पनि समावेश गरिएका छन् । सिनेमाका निर्माता रोशन राई हुन् । सिनेमामा गायक आचार्यको जीवनका अनेक पाटाहरु केलाइएको छ । उनले पाएको सफलता, उनले गरेको संघर्ष र उनले भोगेका दुःखको कथामा सिनेमा निर्माण गरिएको छ । २०४६ सालमा सांघातिक आक्रमणपछि उनको जिब्रोमा सेतो दाग देखिएको थियो । डाक्टरले क्यान्सर भएको घोषणा गरेपछि जिब्रो काटिएको थियो । यसपछि उनको सुर र स्वर गुम्न पुग्यो । त्यो घटनालाई पनि यो सिनेमाले देखाउँछ ।प्रशान्त रसाइलीको निर्देशनमा तयार भएको सिनेमामा सत्यराजसहित सुनिल पोखरेल, अरुणा कार्की, दयाहाङ राई, विपिन कार्की, सौगात मल्ल लगायतको पनि अभिनय छ ।