नेपाल अफ्रिका फिल्म फेस्टिवलमा ‘सरी मम’ बाट प्रभातलाई जुरी अवार्ड

कलेज अफ जर्नालिज्म एण्ड मास कम्युनिकेसन एण्ड बिलच्छ्यान क्रिएसनले आयोजना गरेको तथा चलचित्र विकास बोर्डको सह आयोजनामा ​​भएको १२औँ नेपाल अफ्रिका फिल्म फेस्टिभलमा अभिनय मार्फत सर्वोत्कृस्ट जुरी अवार्ड प्रभात पाल ठकुरीले प्राप्त गरेका छन् । सिनेमा “सरी मम” मार्फत उनले उत्कृष्ट अवार्ड प्राप्त गरेका छन । हलमा सामान्य ब्यवसाय गरेको सिनेमा हेर्ने दर्शकले प्रभातको अभिनयको भने तारिफ गरेका थिए । केही सिनेमा र दर्जनौ म्युजिक भिडियोमा अभिनय गरेका प्रभातलाई सम्भावना बोकेका नायकको रुपमा लिने गरिएको छ । उनका हरेक काममा दर्शकले सकारात्मक प्रतिक्रिया दिने गरेको भए पनि निर्माता निर्देशकको नजरमा भने उनी नपरेका हुन कि भनेर चर्चा पनि सिनेबृतमा हुने गर्छ ।

समग्रमा उनको कामको सम्मान स्वरुप उनलाई जुरीले उत्कृष्ट अभिनयको लागि अवार्डमा चुनेका हुन् । यो छनौटले नाफको अवार्डको गरिमा समेत बढेको छ । अवार्ड ग्रहण गर्दै गर्दा प्रभातले भने, ‘म यो विशाल उद्योगमा सिक्ने र नवोदित छु । मलाई हाम्रा वरिष्ठ सिनेकर्मीहरुबाट उत्तम मार्गदर्शन र समर्थनको आवश्यकता छ। सिक्न र प्राप्त गर्न धेरै कुरा छन्, र म पुन: पुन: उत्कृष्ट प्रयास गर्नेछु।’महोत्सवमा दक्षिण अफ्रिका, इजिप्ट, तान्जानिया, टर्की, मोजाम्बिक, जिम्बाब्वे, क्यामरुन, मौरिसस गरी नौवटा देशका आठ अफ्रिकी चलचित्र प्रदर्शन गरिएको थियो । त्यसैगरी महोत्सवमा सात नेपाली तथा स्वदेशी फिचर फिल्म र नेपालका १० वटा सर्ट फिल्म पनि प्रदर्शन भए । नेपालका ७३ चलचित्र, डकुमेन्ट्री र सर्ट फिल्ममध्ये २० वटा निर्णायक टोलीले महोत्सवका लागि छनोट गरेका थिए । महोत्सवमा ‘सॉरी मम’, काडेतार, ‘गोर्खा वारीयर, ‘सनखत’, ‘आफ्नै कर्मा’, ‘लोजिमा’, ‘रीत’ लगायतका नेपाली तथा स्वदेशी चलचित्र प्रदर्शन भएका थिए ।