‘गाउ आएको बाटो’ का सम्पूर्ण टिम पुर्व आउने, मंगलबार धरानमा

हाल प्रदर्शरत चलचित्र गाउ आएको बाटोको सम्पूर्ण टिम अब पुर्वका दर्शकहरुलाई भेटन पुर्व आउने भएका छन । निर्माण टिमका अनुसार टिम मंगलबार साझ ५ बजे धरान स्थित फ्रेण्ड्स सिनेमाज मा आउने छन भने अन्य दिन हरुमा पुर्वका इटहरी दमक बिर्तामोड र बिराटनगरका दर्शकहरु संग साक्षात्कर गर्ने छन । मंगलवार ५:३० को शो मा बिशेष कार्यक्रम नै आयोजना गरिएको छ । सो कार्यक्रममा सहभागीता जनाउन फिल्मका सम्पूर्ण कलाकारहरु र निर्माण टिमनै उपस्थित रहने स्थानिय संयोजक मिना सिङ्गकले जानकारी दिएकिछिन । उनका अनुसार फिल्मका लेखक महेश राई , निर्देशक नविन सुब्बा , कलाकार दयाहाङ राई, पशुपती राई , प्रसन्न राई , कार्यकारी निर्माता मनिराम पोखरेल लगायत टिम आउनेछन ।
भोजपुर तथा धरानमा छायांकन भएको चलचित्र गाउ आएको बाटोले धरानको फ्रेण्ड्स सिनेमाज मा रेकर्ड ब्रेक शो पाएको छ । सिनेमाले जम्मा दैनिक ७ शो पाएको छ । ति सबै शो हरु हाउसफुल छन । गाउ गाउमा बाटो पुगे सङै स्थानिय भित्रिएका आधुनिक औजार र दैनिक उपभोग्य सामग्रीहरुले स्थानिय हस्तकला र परम्परागत चित्रा , चोया दाम्लो नाम्लो लोप भए संगै दैनिक आम्दानीमा आएको नकरात्मक असर यिनै परम्परागत सिपले गुजारा चलाएका माइला अर्थात दयाहाङको जीवनमा आएको परिवर्तन अनी आफ्नो छोराको खुशीको लागी जे पनि गर्न तयार मरिहत्ते गर्ने एक संघर्षशील बुवा को कथा गाउ आएको बाटोले पेस गरेकोछ ।पुर्वी पहाडी जिल्ला भोजपुर खुकुरी संगै धेरै सुन्तला फल्ने जिल्ला भनेर पनि चिनिन्छ ।

यहाँका मानिसहरुको जीवन यापन सुन्तला बिक्री संगै यहाँका स्थानिय हस्तकला उत्पादन बासको चोया बाट बनेको डोको, नाङ्लो , चोया फिपी बुनेर चतरा हुँदै धरान बजार सम्म आएर बिक्री गर्छन् । यस्तै दैनिकीमा गुजारा चलाइरहेका स्थानियहरु, गाउ गाउमा बाटो पुगेर यातायात भित्रिएपछी फेरिएको जीवन शैलीको कथा पेस गर्ने ‘गाउ आएको बाटो’ को यती बेला देशभरका सिनेमा हलहरुमा हाउसफुलका साथ प्रदर्शन भैरहेको छ । आदिवासी राई समुदायको सामाजिक पृष्ठभूमिमा बनेको चलचित्रमा दयाहाङ राई, पशुपति राई, प्रसन्न राई, केशव राई, सुमित्रा राई, राज थापा, प्रेम सुब्बा लगायतका कलाकारहरुको अभिनय रहेको छ । महेश राई र निर्देशक सुब्बाले संयुक्त रुपमा फिल्मको पटकथा लेखेका हुन् भने अन्तर्राष्ट्रिय सिनेमेटोग्राफर जोस हेरुमले छायांकन गरेका छन ।