प्रतिक्षित चलचित्र ‘सतिदेवी’को टिजर रिलिज, मलिकाको उत्कृष्ट अभिनय

बर्ष २०८१ को प्रतिक्षित फिल्महरुको लिस्टमा परेको नेपाली कथानक चलचित्र ‘सतिदेवी’ को टिजर रिलिज भएको छ । चर्चित मोडल तथा नायिका मलिका महतको मुख्य भूमिका रहेको ‘सतिदेवी’ को टिजरमा महतको उत्कृष्ट काम देखिएको छ । पोस्टर रिलिज भएदेखिनै चर्चामा रहेको सतिदेवीको दोस्रो पोस्टर सार्वजनिक भएपछी दर्शकहरुमा झनै खुल्दुली जगाइरहेको थियो भने टिजरले झनै उत्क्सुकता जगाएको छ । अहिले सम्म नेपाली समाजमा जिवितै रहेको छोरा हुनै पर्ने प्रचलन र छोरी छोरी हुँदा एक आमाले अनी जन्मिएका छोरीहरुले भोग्नु परेको पिडालाई निर्देशक तथा लेखक लक्ष्मण सुवेदीले फिल्ममा गज्जवले प्रस्तुत गरेको टिजर हेरेर सजिलै अनुमान लगाउन सकिन्छ । छोरी लाई हेला गरेको र कालन्तरमा त्यही छोरी बुवाको साहारा बन्दाको कथा लाई निर्देशक सुवेदीले पर्दामा खुबै मजाले प्रस्तुत गरेको देखिन्छ । रिलिज टिजरमा छोरीमाथी गरिएको भेदभावलाई उठान गरिएको छ भने आफ्नो परिवार बिशेषगरी बुवाको खुशीको लागी संर्घषरत छोरी मलिकालाई घाटीमा जुत्ताको माला,अनुहारमा कालो मोसो दलिएको छ, यसले, आम दर्शकहरुलाई चकित बनाएको छ अझ भनौ फिल्मको प्रतिक्षा जगाएको छ ।

चलचित्रमा मलिका महतसँगै हर्षिका वली, मञ्जिला बानियाँ(बाल कलाकार), सन्दीप बाबु लोहनी, रमेश बुढाथोकी, कुलदीप अधिकारी, भोला सापकोटा, सृजना अधिकारी, सुजिता सिवाकोटी, सन्देश लिम्बु, मनिषा सापकोटा, जयन्त रेग्मी, बिमल श्रेष्ठ, देव महर्जन, तुलसी श्रेष्ठ, इभेन जोशी, इश्वरी सिंह, पवन केसी र जगदिश अधिकारीको अभिनय छ ।बाबु श्रेष्ठको छायांकन रहेको चलचित्रमा तारा थापा ‘किम्भे’को सम्पादन, दीपक शर्मा र सुवास थापाको संगीत, रामजी लामिछानेको कोरियोग्राफी, देव महर्जनको एक्सन छ । दिलासा, सारा र श्रीदेवी सुवेदीको लगानीमा बनेको चलचित्रमा लेखन पनि निर्देशक सुवेदीको नै छ । चलचित्र हाम्रो नेपाली समाजमा बिद्यमान यथार्थसँग सतप्रतिशत सन्नीकट रहेको छ । कुनै धर्म,जाती,सम्प्रदाय,परम्परा,कालखण्ड तथा ब्यक्तिसँग यसको कुनै प्रकारको सम्बन्ध छैन । यो चलचित्र बिसुद्द मौलिक नेपाली समाज,जनजीवन,परिबेशको माटोबाट अन्तर हृदयमा कुदिएको यथार्थ कथा हो । कथा मात्रै होइन यो आम ब्यथा समेत रहेको भनी पोस्ट गरेकाछन । बाबु र छोरीहरु बीचको मिहीन स्नेह,सम्बन्धको आरोहअवरोह तथा समाजको सतही अनि कुसोचको प्रक्षेपण रहेको उनको दावी छ । चलचित्र यही श्रावण ४ गतेबाट प्रदर्शनमा आउँदैछ ।