मण्डला प्रोडक्सनले निर्माण गर्ने ‘सुस्तरी सुस्तरी’ को लागी कलाकारको खोजी

मण्डला प्रोडक्सन हाउस काठमाण्डौ र धरानका चलचित्रकर्मीहरुले संयुक्त्त रुपमा निर्माण गर्न लागेको नेपाली कथानक चलचित्र ‘सुस्तरी सुस्तरी’ को लागी मुख्यकलाकार सहितका कलाकारहरुको लागी आह्वान गरिएको छ । ठुलो पर्दाको चलचित्र ‘पार्सल’ र स्पेनी बेबलर अन्तर्राष्ट्रिय चलचित्र महोत्सवमा BEST NATIONAL DIRECTER OF PHOTOGRAPHY अवार्ड जितेको द रेड मुनका निर्देशक रविन श्रेष्ठले निर्देशन गर्न लागेको ‘सुस्तरी सुस्तरी’ लाई बाबुराम निरौलाले लेखेका छन भने रङ्गकर्मी सुरेन्द्र भुजेलले निर्माण गर्दै छन भने कार्यकारी निर्मात्रीको रुपमा अनुजा अधिकारी हुने निर्माण टिमले जनाएको छ । चलचित्रको मुख्य अभिनेताका लागि २५ देखि ३० वर्ष उमेर समूह अभिनेत्रीका लागि १९ देखि २५ वर्ष उमेर समूह तोकिएको निर्देशक श्रेष्ठले जानकारी दिए । उनका अनुसार आर्यन तथा मङ्गोलियन अनुहार दुबैका लागि अवसर बन्ने छ । १९ देखि २५ वर्ष उमेर समूहका सहायक अभिनेता तथा अभिनेत्रीहरूको पनि माग गरिएको निर्देशक श्रेष्ठले जानकारी दिए ।

निर्माणधिन चलचित्र सुस्तरी सुस्तरीमा अभिनय गर्न रुची भएकाले अडिशनमा भाग लिना सक्ने निर्माण टिमको भनाइ छ । अडिशन यही ज्येष्ठ २८ गते सोमवार बिहान ७ बजे धरान ७ शान्तीपथ स्थित वाइट हाउस इन्स्टिच्युट अफ होटल म्यानेजमेन्टको कार्यकक्षमा उपस्थित हुन पर्ने निर्माण युनिटले जनाएको छ । स्थानिय परिवेश रहन शहनलाई मुख्य बिषय बस्तु बनाएर प्रेम कहानीमा आधारित रहेर निर्माण गर्न लागेको चलचित्र सुस्तरी सुस्तरी को छायाङ्कन असारको पहिलो सातादेखी सुरु हुने निर्देशक श्रेष्ठले जानकारी दिए । फिल्मको लगानी ४० लाख माथी रहने निर्देशक श्रेष्ठको भनाइ छ । फिल्मको छायाङ्कन सुनसरीकै बिभिन्न भित्री गाउ अनी धरानमा हुनेछ भने पोस्ट प्रोडक्सनको सम्पूर्ण काम भने काठमाण्डौमै गर्ने निर्देशक श्रेष्ठले जानकारी दिए ।