इटहरीकी कृन्जल पौडेलको लेखन निर्देशन रहेको चलचित्र गौथली चलचित्र महोत्सवमा

गत बैशाख ३ गतेबाट इटहरीमा सम्पन्न भएको ५ दिने मेरो कथा मेरो चलचित्र’ कार्यशालामा सहभागी भएकी इटहरीकी कृन्जल पौडेलले बाल चलचित्र गौथली निर्देशन गरेकी छिन । नेपाल चलचित्र बिकास बोर्डको आयोजनामा इटहरीमा ‘मेरो कथा मेरो चलचित्र’ बिषयक ५ दिने कार्यशाला सम्पन्न भएको थियो ।कार्यशालामा रङ्गकर्मी नवराज बुढाथोकी काठमाडौ ले निर्देशन र नाटक संग्रह, प्रतिक श्रेष्ठले सम्पादन,निर्देशन, कलाकार दिनेश कोइरालाले अभिनय, प्रकाश सुब्बाले प्राबिधिक पक्ष,बिकास बोर्डकी निर्मला चौलागाईं,कलाकार रितेश जङ्ग पौडेलले अभिनय र अरुण कुमार प्रधानले चलचित्र निर्माण सम्बन्धी सहजीकरण गरेका थिए ।

उक्त कार्यशालाकी बिधार्थी तथा कलाकार समाजसेवी रितेश जङ पौडेल कि छोरी कृन्जल पौडेलको लेखन तथा निर्देशन रहेको बाल लघु चलचित्र गौथली प्रदर्शनको लागी तयार भएको छ । उक्त लघु चलचित्र चलचित्र विकास बोर्डको आयोजनामा आगामी असार ७, ८ र ९ गते धनगढीमा गर्न लागेको राष्ट्रिय बाल चलचित्र महोत्सव २०८१ मा बाल लघु चलचित्र ‘गौँथली’ प्रदर्शन गरिने भएको छ ।कृन्जल पौडेलको लेखन तथा निर्देशन रहेको बाल लघु चलचित्र ‘गौँथली’ ले बाल श्रम कानुनी अपराध हो भन्ने विषय उठान गरेको छ । इटहरीमा निर्माण गरिएको बाल लघु चलचित्रमा रितेश जंग खत्री पौडेल,प्रमीला लम्साल,उदय सुब्बा, सुभद्रा प्याकुरेल, मनीषा बस्नेत साथै बाल कलाकार कृष्टिना पौडेल र निर्देशक समेत रहेकी कृन्जल पौडेलको भूमिका रहेको छ । चलचित्रको छायाङ्कन प्रकाश सुब्बाले गरेका हुन् । चलचित्रको सम्पादन भने हेमन तामाङले गरेका छन् ।